MCHILI 2:5 - Biblia Ilagho Jiboie Kwa Wandu Wose

⁵ Nabonyere mbuwa na andu kohoreshera, ngawa midi yose ya matunda andenyi yaro.

MCHILI 2:5 ပူးပေါင်းရင်းမြစ်များ

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

LUMBO 4:12

Wangolo, bibi arusi wapo, ko mbuwa irighilo isanju, na ndoria irighilo andenyi.

LUMBO 4:13

Miwalwa yaro ni makomamanga; ghifunyagha matunda ghiboie, hena na nardo;

LUMBO 4:16

Wuka ee mbeo ya kaskazinyi; choo ee mbeo ya kusinyi! Weta aighu ya mbuwa yapo, kuchure mbeo na marumba mecha; mkundwa wapo ndeche mbuwenyi kwake, uje matunda gharo, agheni ghiboie kuchumba ghose.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

LUMBO 6:2

Mkundwa wapo waasea cha mbuwenyi kwake, andu midi ya vilungo iwalo. Waawuyalisha mfugho rake ambuwenyi, na kuwaya mboi ra lili.

JEREMIA 39:4

Nao iji Mzuri Zedekia na masikari ghake wawiwona, wikakimbia na kufuma mzinyi nakio, wikamaria chia ya mbuwa ya mzuri, wikaidiria mbengenyi iko aghadi ya mawurigha awi, wikaghenda kulangaya Araba.