MCHILI 2:18 - Biblia Ilagho Jiboie Kwa Wandu Wose

¹⁸ Nazamilo ni vilambo vose nivibonyere wurumwengunyi, kwa kukaia ni suti nivisighie uo mundu uchaaninughia.

MCHILI 2:18 ပူးပေါင်းရင်းမြစ်များ

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

ZABURI 49:10

Kula mundu wawuyawona kukaia hata wandu wa hikima wafwagha; wakelu, na wandu wisena akili wadatota wokoni, na kuwisighia wandu wazima mali rawo.

MCHILI 1:13

Nerekufunyireghe kukufundisha na kuvumbua maza rose rawuyabonyeka wurumwengunyi; ngawona kukaia Mlungu wanekie wadamu kubonya kazi ilemere loli loli.

MCHILI 1:3

Mundu wapatagha fwaidaki kwa kazi rose wawuyaribonya ndoenyi?

MCHILI 2:11

Ngawoka kughipima agho ghose nighibonyere, na seji nerefungieghe ndighi kughibonya; ngawona ni kazi ya duu; ni sa kulwa na mbeo. Nderina fwaida ingi putu.

MCHILI 2:21

Ngelo rimu mundu ubonyere kazi kwa hikima na kumanya na wuya, suti urisighie mndumu useribonyere ucheboilwanya naro. Agho nagho ni malagho gha duu na wuwiwi m'baa.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

MCHILI 3:22

Kwa huwo neewona ndekuwadie jingi jiboie kuchumba mundu kuboilwa andenyi ya kazi rake; ijo nijo ifungu jake. Nani udimagha kumanya agho ghichaakaia nyuma ya kufwa kwake?

MCHILI 4:3

Elaima uo usevalo, jingi ukawona wuwiwi ghuko wurumwengunyi oko baa kuchumba wose.

MCHILI 5:18

Neechawona huwu: ilagho jiboie putu ni mundu kuja na kunywa na kuboilwanya na icho uchibonyere kazi ngelo ya irangi jake ivui unekelo ni Mlungu. Iji nijo ifungu ja mdamu.

MCHILI 9:9

Kuboilwanye na muka wako kumkunde, matuku ghose gha irangi jako ja duu, Mlungu ukunekie wurumwengunyi. Ijo nijo ifungu jako iranginyi kwako ja kazi kwawuyabonya wurumwengunyi.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

1 WAKORINTHO 3:10

Ini sa m'baa wa waaghi, karakara na seji niwikilo kwa mvono ghwa Mlungu, naaghie msingi, na mundu mzima uaagha aighu yaro. Kula mundu ndemanye seji uaghagha aighu yaro.