MCHILI 2:14 - Biblia Ilagho Jiboie Kwa Wandu Wose

¹⁴ Mundu wa hikima wawonagha seji ughendagha, ela mkelu ndewonagha; elaima nacheewona wose wadapatwa ni ilagho jifwanane.

MCHILI 2:14 ပူးပေါင်းရင်းမြစ်များ

ZABURI 19:10

Ghakundikie kuchumba dhahabu, ee, kuchumba dhahabu ielie, ghasingie kuchumba wuki; wuki ghutonyagha kufuma kwa mando gha choki.

ZABURI 49:10

Kula mundu wawuyawona kukaia hata wandu wa hikima wafwagha; wakelu, na wandu wisena akili wadatota wokoni, na kuwisighia wandu wazima mali rawo.

ZABURI 49:11

Kaburi rawo rawuya nyumba rawo ra kala na kala, na andu kwawo kokaia vivalwa vose; hata ngera werekoghe na masanga ghawo weni.

MAKATANISHO 14:8

Mundu uwadie suku wadapanga malagho ghake kwa hikima; wukelu ghwa wakelu ni mikalo.

MAKATANISHO 17:24

Mundu utambukilwagha wadatumia hikima, ela mkelu ndemanyagha andu kozoia.

MCHILI 2:16

Mundu wa hikima na mkelu wikafwa ndewimukagha kuliwika. Mundu wa hikima na mkelu wadafwa karakara!

MCHILI 3:19

Kutua kwa wadamu na nyamandu koofwanana; nyamandu yadafwa sa iji koni mdamu ufwagha. Mdamu na nyamandu kusoda kwawo koofwanana, na mdamu ndene ilagho jingi jichumbagha nyamandu. Maza rose ni duu.

MCHILI 6:6

Hata ngera wakaie moyo miaka elfu iwi, ndemchumbie uo mwana ufushiro; Kukakoni nechi wandu wose waawuyaghenda andu kumweri.

MCHILI 6:8

Mundu wa hikima wawuyapata fwaidaki kumchumba mkelu? Mkiwa upata fwaidaki kumanya seji imfwane ukaie moyo?

MCHILI 7:2

Ni baa kughenda muzi ghwa wandu wafuilwa, kuchumba kughenda muzi ghuko na karamu; kwa kukaia kifwa ni kutua kwa wandu wose, na awo wiko moyo yawifwana wikumbukeghe huwo.

MCHILI 8:1

Mundu wa hikima nuo umanyagha malagho seji ghiko. Hikima yadam'bonya ukaie na kuboilwa, na kubonya wushu ghwake ghukaie ghuelie.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

MCHILI 9:16

Hata ngera hikima ya mkiwa yamenyero, na malagho ghake kuleghasikirwa, ini niaghora wudimi ghwachumbwa ni hikima.

1 JOHANE 2:11

Ela uo uzamilwaghwa ni mruna, wadakaia kirenyi, nao wadaghenda kirenyi, hata ndemanyagha andu ughendagha, angu kira chamerie kum'bwagha meso.