MCHILI 2:10 - Biblia Ilagho Jiboie Kwa Wandu Wose

¹⁰ Nerepatireghe kula kilambo nerechiwonieghe kukaia chiboie. Serekuimieghe raha ingi. Nerekukasireghe na vilambo vose nivibonyere, na agho nigho gherekoghe mafungu ghapo.

MCHILI 2:10 ပူးပေါင်းရင်းမြစ်များ

KUZOYA 3:6

Niko muka iji wawona angu mudi ugho ghwaboie kwa vindo, ghwaghokie mesonyi, na sena ghwakundikie kwa kumredia mundu kumanya, ukawaya matunda gharo ukaja, ukamneka na mumi wake wori, nao ukaja.

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

AYUBU 31:1

“Nameria kulaghira, sichaamzighana mwai kwa bea izamie.

ZABURI 119:37

Kunibonye nisezighane maza ra duu, kunikaishe moyo kwa kuinugha chia yako.

ZABURI 128:2

Kuchaja mavalo gha kazi rako; kuchaboilwa, na kukaia nicha.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MCHILI 11:9

Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

MCHILI 2:1

Natimie kubonya maseko nimanye ngera niki chiko andenyi ya kuboilwa. Ela ngawona iri niro maza ra duu.

MCHILI 2:22

Mundu upataki kwa kubonya kazi kose na kukuvavira awurumwengunyi?

MCHILI 2:24

Ndekuwadie ilagho jingi jiboie kwa mundu jichumbagha kuja na kunywa na kuboilwanya na kazi rake. Ijo najo neewona jadafuma kwa Mlungu.

MCHILI 3:22

Kwa huwo neewona ndekuwadie jingi jiboie kuchumba mundu kuboilwa andenyi ya kazi rake; ijo nijo ifungu jake. Nani udimagha kumanya agho ghichaakaia nyuma ya kufwa kwake?

MCHILI 5:10

Mundu ulakie na pesa, ndekatwagha. Uo ukunde kushama, ndekatwagha wokoni. Iro naro ni maza ra duu.

MCHILI 5:17

Matuku ghake ghose ooghitumia akirenyi, ukisumbuka uko na wasi na wukongo.

MCHILI 5:18

Neechawona huwu: ilagho jiboie putu ni mundu kuja na kunywa na kuboilwanya na icho uchibonyere kazi ngelo ya irangi jake ivui unekelo ni Mlungu. Iji nijo ifungu ja mdamu.

MCHILI 6:2

Mundu wanekwa mali ni Mlungu, na vilambo na ishima, nao ndesowagha kilambo chingi uchikunde. Ela sena Mlungu umuime wulalo ghovitumia, na wulalo ghwaro mghenyi uvitumie. Iri naro ni maza ra duu; ni wuwiwi ghuchumbie.

MCHILI 6:9

Ni baa kukatwa ni icho kuko nacho kuchumba kukaia na bea ya vilambo kuseviwonagha. Ni sa kuwingisa mbeo.

MCHILI 8:15

Kwa huwo naawuyarumiriana na maboilo gha irangi, kwa kukaia ndekuwadie ilagho jingi jiboie kuchumba kwa mdamu uko wurumwengunyi, jichumbagha kuja, na kunywa na kuboilwa. Niko uchaadua ukiboilwa kazinyi kwake matuku ghose gha irangi jake Mlungu uchaamneka wurumwengunyi.

MCHILI 9:6

Lukundo lwawo, na kuzamilwa kwawo, na kufunga ndighi kwawo, veesianya nawo. Ndewiwuyaakaia na wungara na malagho gha wurumwengu ughu sena.

MCHILI 9:9

Kuboilwanye na muka wako kumkunde, matuku ghose gha irangi jako ja duu, Mlungu ukunekie wurumwengunyi. Ijo nijo ifungu jako iranginyi kwako ja kazi kwawuyabonya wurumwengunyi.

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.

WATANYI 14:2

Niko ukacha na kuwighoria mae na ndee, “Nawona mwai umu wa Wafilisti aja Timna; neekunda munipatire uo mwai nimlowuo.”