MCHILI 11:5 - Biblia Ilagho Jiboie Kwa Wandu Wose

⁵ Sa iji koni kusemanyagha seji roho ingiagha kwa mwana uumbwagha kifunyi kwa mae, huwo koni ndekumanyagha kazi ya Mlungu uo ubonyagha vilambo vose.

MCHILI 11:5 ပူးပေါင်းရင်းမြစ်များ

AYUBU 37:23

Uo-Uwadie-Ndighi-Rose ooka m'baa disedimagha kumvikia; uo ni mloli na mhachi, nao ndekorongagha mndungi anduangi.

AYUBU 38:4

“Welee, iji nereumbagha wurumwengu korekoghe? Nighorie ikakaia kudimagha.

AYUBU 5:9

Uo wadabonya maza ra mashiniko, na weke mwakilimbiti wisena mtalo.

ZABURI 104:24

Ee BWANA, kwabonyere malagho mengi, kwaghibonyere ghose kwa hikima; ndoenyi kwachua maumbo ghako.

ZABURI 40:5

Mabonyo ghako gha mashiniko, na mipango yako cha kodu ni mingi na ndighi ee BWANA Mlungu odu, ndekuwadie ungi udimagha kufwananishwa na oho! Ngera nadaghieresha na kughora malagho gharo, ndaghatalikagha.

ZABURI 92:5

Ni mbaa saki iro kazi rako ee BWANA! Maghesho ghako gheko ndenyi nandighi!

MCHILI 1:13

Nerekufunyireghe kukufundisha na kuvumbua maza rose rawuyabonyeka wurumwengunyi; ngawona kukaia Mlungu wanekie wadamu kubonya kazi ilemere loli loli.

MCHILI 1:6

Mbeo yadaweta cha kusinyi, na kughaluka cha kaskazinyi; yadamara-mara ikinugha chia rake, na kuwuya andu izoiagha.

MCHILI 11:4

Mundu uweseriagha kimu chiboie chiche, ndewagha, nao ndekuwidagha kindo chingi.

MCHILI 3:10

Nawonie misigo ilemere Mlungu udukishire wadamu.

MCHILI 3:11

Wabonyere kula kilambo chikaie chighokie kwa ngelo yaro; wokoni wabonyere wandu wimanye ngolonyi kwawo kukaia kala na kala eko; ela sena ndewidimagha kuelelwa agho Mlungu ubonyere kufuma kuzoya hata kutua.

MCHILI 7:24

Hikima eeka ndenyi na ndighi; nani udimagha kuimanya?

MCHILI 8:17

usedimagha kuelelwa ni agho Mlungu ughibonyagha. Kukeduatima wada, ndekumanyagha. Wandu wiko na hikima wadima kughamba waichi, ela ndewiichi.

ISAYA 40:28

Wele ndekuichi, angu ndekusikire? Kukaia, BWANA ni Mlungu wa kala na kala, nuo Muumbi wa kutua kose kwa ndoenyi, ndesilwagha jingi hata ndedumbukagha, kumanya kwake ndekulawulwagha.

JOHANE 3:8

Mbeo yadaweta seji ikundagha, lwaka lwaro kwalusikira, ela ndekuimanyagha andu ifumagha hata andu ighendagha anduangi. Niko koni kwa mundu uo ose uvalwagha kwa Roho.”

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?