MCHILI 10:8 - Biblia Ilagho Jiboie Kwa Wandu Wose

⁸ Uo ukotagha kina, uchachunukia andenyi yaro moni, na uo uvuchuagha wurigha, uchalumwa ni choka.

MCHILI 10:8 ပူးပေါင်းရင်းမြစ်များ

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

2 SAMUELI 18:15

na wadawana ikumi, awo weremdwayagha Joabu maswagha ghake, wikamtang'aria Absalomu, na kum'bwagha.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

ZABURI 57:6

Wamaiza wapo weredeghieghe nyavu eniwada, ngakaia na wasi m'baa. Wakotere kina andu niidiriagha, ela wikachunuka weni andenyi yaro.

MAKATANISHO 11:6

Wandu wecha wadakirwa ni wucha ghwawo, ela wandu wa mikalo wadabonywa wazumba ni bea rawo.

MAKATANISHO 26:27

Mundu ukoteragha wazima kina, uchachunuka andenyi, na mundu ubingilishiragha wambenyu igho, jichammburia moni.

MCHILI 10:9

Uo ukotagha magho, ghichamshoghonua, na uo ubaragha mbande wadakuwika ndengonyi.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

AMOSI 9:3

Hata wikuvise aighu ya Mghondi ghwa Karmeli, nichawinugha aho na kuwiwada; hata wikeduakuvisa kondonyi andu kumilie baharinyi nisewiwone, nichaduma choka aho iwilume.

WATANYI 9:5

Abimeleki ukaghenda nyumbenyi kwa ndee aja Ofra na kuwibwagha waruna, awo wadawana mirongo mfungade wa Jerubaali aighu ya igho jimu. Ela Jothamu, mdawana mtini wa Jerubaali ukasigharika, angu orekuvisireghe.