MCHILI 1:2 - Biblia Ilagho Jiboie Kwa Wandu Wose

² Mchili waghamba, Ni duu! Ni duu! Maza rose ni duu.

MCHILI 1:2 ပူးပေါင်းရင်းမြစ်များ

AYUBU 11:12

Ela mundu mkelu uchatambukilwa iji wawona mwana wa furo ukivalwa ufughikie.

ZABURI 144:4

Mdamu ni sa miruke, matuku ghake gheeka sa kiju chiidagha.

ZABURI 89:47

Kumbuka matuku gha irangi japo ni matinieri ee BWANA; kumbuka wadamu wose koowiumba wa kunoneka!

MCHILI 11:10

Kusesumbulo ni ilagho jingi, hata kuvavirwa ni ilagho jingi; kwa kukaia wudawana na wuirika riida noko.

MCHILI 11:8

Mundu ukakaia moyo miaka mingi, ndefunye chawucha andenyi ya matuku gha irangi jake; ela ukumbuke kukaia uchafwa. Iro naro ni maza ra duu.

MCHILI 12:8

Ni maza ra duu, waghamba Mchili; maza rose ni duu.

MCHILI 2:11

Ngawoka kughipima agho ghose nighibonyere, na seji nerefungieghe ndighi kughibonya; ngawona ni kazi ya duu; ni sa kulwa na mbeo. Nderina fwaida ingi putu.

MCHILI 2:15

Niko ngaghamba ngolonyi kwapo, “Ikakaia ijo jimpatagha mkelu nijo jeni janipata, ni fwaidaki nipatire kwa kukaia na hikima mbaa? Ndeiko. Ni maza ra duu.”

MCHILI 2:17

Kwa huwo neechawona kukaia moyo ndekune mana ingi, kwa kukaia uko kukaia moyo kose ndekuniredie kindo chingi ela wasi. Iro rose ni maza ra duu; ni sa kulwa na mbeo.

MCHILI 2:19

Na nani umanyagha ngera uo mundu uchakaia wa hikima angu mkelu? Sena huwo nuo moni uchaakaia m'baa wa maza rose niribonyere kwa kufunga ndighi ngitumia hikima yapo wurumwengunyi. Iri naro ni maza ra duu.

MCHILI 2:21

Ngelo rimu mundu ubonyere kazi kwa hikima na kumanya na wuya, suti urisighie mndumu useribonyere ucheboilwanya naro. Agho nagho ni malagho gha duu na wuwiwi m'baa.

MCHILI 2:23

Matuku ghake ghose ghachua kuwawa na wasi; akili rake nderihoragha hata nakio. Iri naro ni maza ra duu.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

MCHILI 2:8

Nerekutumbanyireghe feza na dhahabu nyingi kufuma kwa bengi ra kiwuzuri ra masanga nereghibonyeragha nguma. Nerewikieghe wabori wa womi na wa waka, na waka wekanya wengi, seji mndwawomi udimagha kukunda.

MCHILI 3:19

Kutua kwa wadamu na nyamandu koofwanana; nyamandu yadafwa sa iji koni mdamu ufwagha. Mdamu na nyamandu kusoda kwawo koofwanana, na mdamu ndene ilagho jingi jichumbagha nyamandu. Maza rose ni duu.

MCHILI 4:16

Mzuri wadima kuwibonyera nguma wandu wengi wisene mtalo. Ela nyuma ya kufwa kwake, mndungi ndechaatala agho ubonyere. Ni malagho gha duu; ni sa kuwingisa mbeo.

MCHILI 4:4

Wokoni nawonie kukaia kufunga ndighi kose, na wuya ghose ghwa kazi, ghwadashekerelwa ni mundu kukaia na iriso na mmbao. Iri naro ni maza ra duu; ni sa kulwa na mbeo.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

MCHILI 5:10

Mundu ulakie na pesa, ndekatwagha. Uo ukunde kushama, ndekatwagha wokoni. Iro naro ni maza ra duu.

MCHILI 6:11

Malagho mengi ghadalaghasha maana; da kukakoni ghimredia mundu fwaidaki?

WAROMA 8:20

Angu ivo vilambo verewikiloghe vikaie visewadie ndighi ringi; si kwa kukunda kwawo koni anduangi, ela kwa kukunda kwa Mlungu, uo oreviwikieghe vikaie vesuwiriagha