MATHAYO 9:15 - Biblia Ilagho Jiboie Kwa Wandu Wose

¹⁵ Jesu ukawitumbulia, “Welee, awa wiwangwagha arusinyi wadima kukaia na wasi iji bwana arusi ukwanye nawo? Hata! Ela ngelo bwana arusi wainjwa kwawo, ngelo iyo niko wichaafunga.

MATHAYO 9:15 ပူးပေါင်းရင်းမြစ်များ

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

MATHAYO 9:14

Nao wanughi wa Johane wikamghendia Jesu wikamkotia, “Kwaki isi na Mafarisayo difungagha tumu kalazi koni, ela wanughi wako ndewifungagha anduangi?”

MATHAYO 9:16

“Wandu ndewikumbagha kiraka cha nguwo mbishi kwa irasi, angu chija kiraka chicharashua jija irasi, na jija ilanga jichachurikia.

MARKO 2:19

Jesu ukawizera, “Welee, wandu wiwangilo harusinyi widima wada kufunga iji bwana-arusi ukwanye nawo? Ngelo iyo yose wikwanye na bwana-arusi, ndewidimagha kufunga anduangi.

MARKO 2:20

Ela matuku ghichacha, na bwana-arusi uchafunywa kwawo, niko aho wichafunga.

LUKA 17:22

Nao ukawizera wanughi wake, “Matuku ghichacha, nenyo mchakunda kujiwona jimu ja matuku gha Mwana wa Mdamu, hata ndemchaajiwona anduangi.

LUKA 5:34

Jesu ukawizera, “Mwadima kuwibonya waghenyi wawangwa harusinyi wifunge tumu ngelo bwana arusi uko aeni?

LUKA 5:35

Ela matuku ghichacha, ngelo bwana arusi uchaainjwa kwawo, matuku agho niko wichaafunga tumu.”

JOHANE 16:6

Nani angu namghoria maza iri, ngolo renyu rachulwa ni wasi.

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

MABONYO GHA WADUMI 14:23

Hata wimeria kuwisaghuya waghosi kula ikanisa, wikilomba na kufunga tumu, wikawiwika kwa Bwana uo weremrumirieghe.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

2 WAKORINTHO 11:27

Nabonyere kazi kwa wasi, ngisowa dilo nakio mando malazi, kwa njala na kau, ngifunga tumu kalazi koni, kwa mbeo na zuna.

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.