MATHAYO 8:5 - Biblia Ilagho Jiboie Kwa Wandu Wose

⁵ Nao iji Jesu orekoghe ukingia muzi ghwa Kafarnaumu, m'baa umu Mroma ukamghendia ukimlomba wutesia,

MATHAYO 8:5 ပူးပေါင်းရင်းမြစ်များ

MATHAYO 11:23

Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 4:13

Nao nderekaieghe Nazareti anduangi, ela ukaghenda Kafarnaumu, muzi ghuko mbai na mbai ya ndiwa ya Galilaya, mwanonyi ghwa isanga ja Zebluni na Naftali; ukakaia aho.

MATHAYO 9:1

Niko Jesu ukangia ishuonyi, ukaruwuka ija ndiwa ukacha kwa muzi ghwake ghoni.

MARKO 15:39

Na uja m'baa wa masikari ukikaia kimusi ahoeni, iji wawona sa iji orekoghe ukimeria moyo, ukaghamba, “Ni loli mundu uhu orekoghe Mwana wa Mlungu!”

MARKO 2:1

Nyuma ya matuku ghamu, Jesu ukawuya sena Kafarnaumu, wandu wikasikira angu oko nyumbenyi.

MABONYO GHA WADUMI 22:25

Ela iji wameria kumfunga na mikowa, Paulo ukamzera m'baa wa masikari uko kimusi, “Welee, ni hachi oho kumdama mundu na kiboko uko mkitina wa Roma nao usetanyiro?”

MABONYO GHA WADUMI 23:17

Paulo ukammbanga m'baa wa masikari ukaghamba, “Mghenje uhu mdawana kwa m'baa wa majeshi; oko na ilagho ukunde kumghoria.”

MABONYO GHA WADUMI 23:23

Nao m'baa wa majeshi ukawiwanga wabaa wa masikari wawi ukaghamba, “Saa idadu ra kio mmbike nicha masikari maghana awi, wandu wa farasi mirongo mfungade, na wandu maghana awi wa mafumu; wighende hata Kaisaria.

MABONYO GHA WADUMI 27:13

Nao iji mbeo ya kusinyi yazoya kuweta mboa mboa, nawo weni wikighesha wei waapata seji werekundieghe, wikajosa nanga, na kudamba wikiida mbai-mbai ya Krete kaavui na ndoe iomie.

MABONYO GHA WADUMI 27:31

Paulo ukawizera m'baa wa masikari na masikari wake, “Awa wandu wisaakaia andenyi melinyi, inyo ndemkiagha anduangi.”

MABONYO GHA WADUMI 27:43

Ela m'baa wa masikari ukikunda kumkira Paulo, ukawikania. Ukafunya momu waja widimagha kuogelia, wirame machinyi kande, wizoe kuogelia cha ndoe iomie;

MABONYO GHA WADUMI 9:38

Na angu Luda korekoghe kaavui na Jopa, wanughi wikasikira angu Petro oko aho, nawo wikaduma wandu wawi kumzera, “Dakuvoya kudichee shwa-shwa.”