MATHAYO 7:24 - Biblia Ilagho Jiboie Kwa Wandu Wose

²⁴ “Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

MATHAYO 7:24 ပူးပေါင်းရင်းမြစ်များ

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

ZABURI 119:130

Mawonyero ghako ghadareda mwengere; ghadamneka mkelu akili.

ZABURI 119:99

Neko na kumanya kuchumba walimu wapo wose, angu nadasindairirikanya memu yako.

MAKATANISHO 10:25

Kiremba chikacha chadamduka mmbiwi, ela mhachi wadakaia umange kari kose.

MAKATANISHO 10:8

Mundu wa ngolo ya hikima, wadawusa malaghiro; ela mkelu osongoda, uchanoneka.

MAKATANISHO 12:7

Wawiwi wadasimwa na kumerelwa, ela nyumba ya mhachi ichadua.

MAKATANISHO 14:8

Mundu uwadie suku wadapanga malagho ghake kwa hikima; wukelu ghwa wakelu ni mikalo.

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

MATHAYO 25:2

Wai wasanu werekoghe wakelu, na wasanu werekoghe na akili.

MATHAYO 25:4

ela waja wa akili weredwaeghe mavuda vombonyi kwawo andwamweri na taa rawo.

MATHAYO 25:9

Ela waja wa akili wikawitumbulia, ‘Ngera ndeghidikatagha diwose, ni nicha mwende mkughuye mmbeni kwa awo wiuzagha.’

MATHAYO 7:25

Vua ikanya, meda ikachua machi, sena mbeo ikaweta aighu ya iyo nyumba, ela ndeereghueghe anduangi; angu ereaghiloghe aighu ya igho.

MATHAYO 7:26

Ela uo usikiragha malagho ghapo nao ndeghiwadagha anduangi, uchafwananishwa na mundu mkelu, oreaghieghe nyumba yake msangaghenyi.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

JOHANE 13:17

Ngera mwaghimanya agha, mwarasimilwa mkaghibonya.

JOHANE 14:15

“Mkanikunda mchaiwadia memu yapo.

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 15:14

Inyo moko waghenyi wapo mkabonya agho nimlaghiragha.

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.