MATHAYO 7:15 - Biblia Ilagho Jiboie Kwa Wandu Wose

¹⁵ “Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MATHAYO 7:15 ပူးပေါင်းရင်းမြစ်များ

1 WAZURI 13:18

Niko uja mlodi wa kala ufumie Betheli ukamzera “Ini wori ne mlodi sa oho; malaika wadedanya nani kwa ilagho ja BWANA ukinizera nikudo nyumbenyi kwapo kuje vindo.” Ela odemkalia.

JEREMIA 29:21

“BWANA wa majeshi, uo Mlungu wa Israeli waghamba huwu aighu ya Ahabu mwana wa Kolaia na Zedekia mwana wa Maaseia, awo wawuyamfunyira wulodi ghwa tee kwa irina jake: ‘Ola nichawingira mikonunyi kwa Nebukadnezari, mzuri wa Babuloni, nao uchawibwagha imbiri konyu.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

EZEKIELI 13:16

Awo walodi wa Israeli werefunyagha wulodi aighu ya Jerusalemu, na kuwona mawono gha sere kwa wundu ghwaro, ingelo sere ingi iseko, ndewiko. Ini Bwana MLUNGU naghamba.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

EZEKIELI 22:27

Wabaa wa ugho muzi weeka sa vikwau virashuagha madiwo ghawo; wibwaghagha, na kutotesha wandu, eri wipate fwaida isefwane.

DANIELI 11:34

Ingelo wibwaghwagha, wichakaia wikipata wutesia mtini; na wengi wichawinugha ighu-ighu tu.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

MATHAYO 10:17

Mkulindie na wadamu, angu wichamghenja mandunyi nawo wichamkaba na viboko andenyi ya sunagogi rawo.

MATHAYO 16:11

Kwaki msetambukilwagha angu siwueghora maza ra mikate? Mkulindie na chachu ya Mafarisayo na Masadukayo.”

MATHAYO 16:6

Jesu ukawizera, “Manyenyi mkulindie na chachu ya Mafarisayo na ya Masadukayo!”

MATHAYO 24:11

Wichawuka walodi wa tee wengi, nawo wichawilaghasha wandu wengi.

MATHAYO 7:14

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

LUKA 6:26

Ni bugha konyu iji wandu wamkuma angu niko koni weke wawa wawo werebonyereghe kwa walodi wa tee.

JOHANE 10:12

Mundu wa mafungu, nao si mlisha ungi, na ng'ondi riseko mali yake, iji wawona kikwau chikicha wadakimbia na kurisigha ng'ondi. Na kikwau chadariwada ng'ondi na kurisaghisa.

MABONYO GHA WADUMI 13:40

Kwa huwo mkulindie msechechelwa ni jija ilagho jighorelo ni walodi:

MABONYO GHA WADUMI 13:6

Iji waida kisiwa chose hata kuvika Pafo, wikamkua msawi umu aho Myahudi, mlodi wa tee uwangwagha Bar-Jesu.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WAFILIPI 3:2

Mkulindie na iro koshi, mkulindie na awo wibonyagha kiwiwi, mkulindie na awo wikudemaa-dema weni.

WAKOLOSAI 2:8

Manyenyi mndungi usakemlaghasha kwa mafundisho na makalio ghake gha duu, kwa kunugha mizango ya wandu, na mafundisho gha pepo, ghiseko gha Kristo anduangi.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

2 TIMOTHEO 4:3

Angu matuku ghichacha ngelo wandu wisechaaghirumiria mafundisho gha loli, ela wikikaia wikunde kusikira malagho kunughana na bea rawo reni, wichakukwanyira weni walimu, awo wichaawineka mafundisho agho wighikunde;

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

WUFUNUO 16:13

Nani ngawona roho idadu ra makakala riko sa vichula rikifuma momunyi kwa iyo choka, na momunyi kwa iyo nyamandu, na momunyi kwa uo mlodi wa tee.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.