MATHAYO 7:11 - Biblia Ilagho Jiboie Kwa Wandu Wose

¹¹ Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

MATHAYO 7:11 ပူးပေါင်းရင်းမြစ်များ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

2 SAMUELI 7:19

Nao sena ee Bwana MLUNGU, kukawona agho ni matini, kukachuria kulaghira kukaia kuchaniaghia ini mdumiki wako nyumba matuku ghichagha; sena kwaja malagho gha kivalwa chake chichagha ee Bwana MLUNGU!

AYUBU 15:16

Mdamu uzamie na kunoneka, ubonyagha wuwiwi sa kunywa machi urumirikia wada?

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 85:12

Hee, BWANA uchadineka icho chiboie, na isanga jedu jichafunya mavalo gharo.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

ISAYA 49:15

“Welee, muka wadima kumliwa mwana wake wa nyodonyi, hata usemmbonie wughoma mwana wa kifu chake? Awo wadima kuliwa, ela ini sichaakuliwa jingi.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

JEREMIA 33:14

BWANA waghamba, “Olenyi matuku ghichacha, nani nichajikatisha ilaghiro nerejibonyereghe na wandu wa Israeli na wandu wa Juda.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MATHAYO 23:9

Sena msakemmbanga mndungi ‘Aba’ aha ndoenyi, angu Ndeyo onyu ni umweri uko mlungunyi.

MATHAYO 7:10

Angu ukalomba samaki, uchaamneka choka?

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WAROMA 3:9

Da ni wada? Isi Wayahudi deko baa? Hata; hata kutini. Namerie kuwonyera kukaia wandu wose walemelo ni kaung'a, Wayahudi hata Wagriki wori;

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

WAGALATIA 3:22

Ela maandiko ghaawuyaghora kukaia wurumwengu ghose ghooka kaung'enyi, eri icho cherelaghiriloghe kwa irumirio jiko andenyi ya Jesu Kristo, chipate kunekwa awo wirumiriagha.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

1 JOHANE 3:1

Wonenyi ni lukundo lufwane wada uja Aba udikunde nalo, hata dikadima dawangwa wana wa Mlungu; nesi niko koni diko. Ihi niyo sababu wurumwengu ghusewuedimanya, kwa kukaia ndeghoremmanyireghe Uo.

1 JOHANE 4:10

Ulu nilo lukundo, si angu wei deremkundieghe Mlungu, ela uo nuo oredikundieghe, hata ukamduma Mwana wake upate kukaia wushano kwa wundu ghwa kaung'a redu.