MATHAYO 6:9 - Biblia Ilagho Jiboie Kwa Wandu Wose

⁹ Idana mlombeghe sa huwu: ‘Aba odu kuko mlungunyi, Irina jako jikaso.

MATHAYO 6:9 ပူးပေါင်းရင်းမြစ်များ

2 SAMUELI 7:26

na irina jako jichakaia ibaa kwa kala hata wandu wikaie wikighora, ‘BWANA wa majeshi nuo Mlungu wa Israeli,’ na nyumba yapo ini mdumiki wako Daudi ichadua imbiri kwako.

1 WAZURI 8:43

kusikire aighu kwako mlungunyi kukaiagha; kumkatishire uo mghenyi malombi ghake, eri wandu wa mbari rose ra ndoenyi wikumanye oho na kukusikira sa wandu wako Israeli, wipate kumanya kukaia Hekalu ihi niiaghie ni kwa wundu ghokutasa oho.

1 MALAGHO GHA NGELO 17:24

Sare yako ichakaia mbaa, na wandu wichaghora matuku ghose, ‘BWANA Uwadie-Ndighi-Rose ni Mlungu aighu ya Israeli.’

2 MALAGHO GHA NGELO 20:6

ukaghamba, “Ee BWANA, Mlungu wa weke aba, wele oho si Mlungu kuko mlungunyi? Si oho kubonyeragha nguma mawuzuri gha mbari rose ra wandu? Oho kwawadie ndighi na kudima, hata ndekuwadie ungi udimagha kusimana nakumoni.

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 115:3

Mlungu odu oko mlungunyi, wadabonya ijo jose ujikundagha.

ZABURI 72:18

BWANA, uo Mlungu wa Israeli ndekaso; uo uekeri ubonyagha maza ra mashiniko.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 6:3

Wikawangana weni na weni wikighamba, “Mweli, mweli, mweli, ni BWANA wa majeshi, ndoenyi kose kwachua wubaa ghwake.”

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

EZEKIELI 36:23

Nani nichadederia wueli ghwa irina japo ibaa ijo jilushiro aghadi ya iro mbari ra wandu, nenyo mmbeni mkajilusha aghadi kwawo; na iro mbari richamanya kukaia ini ne BWANA. Ini Bwana MLUNGU naghamba, iji nichaadederia wueli ghwapo imbiri kwawo ngimtumia inyo.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 10:29

Mbeumbeu iwi ndaradauzwa kwa igome jimweri? Ela hata huwo saki, ndekuwadie ingi yaro ipotokagha andoenyi Ndeyo onyu userumirie anduangi.

MATHAYO 23:9

Sena msakemmbanga mndungi ‘Aba’ aha ndoenyi, angu Ndeyo onyu ni umweri uko mlungunyi.

MATHAYO 26:29

Namghoria angu sichaanywa divei sena hata ituku jija nichaainywa mbishi andwamweri nenyo kwa wuzuri ghwa Aba.”

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MATHAYO 6:14

“Angu mkawilekia wandu makosa ghawo, na Ndeyo onyu uko mlungunyi uchamlekia inyo wori.

MATHAYO 6:6

Ela oho iji kwakalomba, kungie chumbenyi kwako, kurughe mnyango, kumlombe Ndeyo uko kivisonyi; na Ndeyo uwonagha kivisonyi uchakulipa.

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

LUKA 15:18

Nichawuka nimghendie aba, nimzere, ‘Aba, nabonyere kaung'a imbiri ya Mlungu na imbiri kwako;

LUKA 15:21

“Uja mwana ukamzera, ‘Aba, nabonyere kaung'a imbiri ya Mlungu na imbiri kwako, hata sifwane ini kuwangwa mwanwako anduangi.’

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

WAROMA 8:15

Kwa kukaia ndemorewusireghe Roho wa wuzumba sena um'bonyagha kuobua, ela morewusireghe Roho um'bonyagha kukaia wana wa Mlungu, udidimishagha kummbanga, “Abba! Aba.”

WAGALATIA 1:1

Ini Paulo, mdumi usedumilo ni wandu, hata kudumwa kwa chia ya mdamu, ela kwa chia ya Jesu Kristo, na Mlungu Aba uo oremrukishireghe kufuma kwa wafu;

WAGALATIA 4:6

Na angu muko wana, Mlungu wadumie Roho wa Mwana wake andenyi ya ngolo redu, ukemagha, “Abba! Aba.”

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

WUFUNUO 4:11

“Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”

WUFUNUO 5:12

“Uo Mwana wa Ng'ondi ubwaghilo, nuo ufwanagha kuwusa kudima, mali, hikima, ndighi, ishima, wubaa, na makaso.”