MATHAYO 6:2 - Biblia Ilagho Jiboie Kwa Wandu Wose

² Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

MATHAYO 6:2 ပူးပေါင်းရင်းမြစ်များ

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

ZABURI 37:21

Mundu mmbiwi wadakopa, ela ndewunjagha; ela mhachi oko na ishima, nao wadaneka.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 20:6

Wandu wengi wadakunda kukuwonyera seji wiko waloli; ela nani udimagha kumpata mundu uko mloli?

MCHILI 11:2

Waghia vindo vako wandu mfungade, angu hata wunyanya; ndekumanyire ni malaghoki ghizamie ghichagha ndoenyi.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

HOSEA 8:1

BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

MATHAYO 15:7

Waji-kuwi inyo, Isaya nderelodieghe loli aighu enyu iji waghamba,

MATHAYO 16:3

Luma lwa nakesho mwadaghamba, ‘Idime kuchakaia na kiremba kibaa, angu mlungunyi kwatinika na kukaia na marundu.’ Idana inyo mwaichi kutambua vimu kwa kuzighana mawingunyi, nenyo mwalemwa ni kutambua malagho gha ngelo iri.

MATHAYO 22:18

Ela Jesu ukighumanya wuwiwi ghwawo ukawizera, “Inyo waji-kuwi, kwaki munitimagha?

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

MATHAYO 23:6

wakunda malalo gha ishima karamunyi, na vifumbi va imbiri sunagoginyi,

MATHAYO 24:51

Uchamdumbua vipande vipande, na kummbika chiaimweri na waji-kuwi. Aho kuchakaia na kililo na kuja maghegho.

MATHAYO 5:18

Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:3

Ela oho iji kwakafunya makuwio ghangi, kulindie hata mghenyi wako wa kaavui usakemanya.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

MATHAYO 7:5

Muji-kuwi oho! Inja icho kilingo chiko irisonyi kwako kande, ima niko kuchaawona nicha kudime kuchifunya icho kijaghulu chiko irisonyi kwa mwanyinyu.

MARKO 12:39

na kuseria vifumbi va imbiri sunagoginyi, na malalo gha imbiri karamunyi.

MARKO 7:6

Jesu ukawizera, “Isaya orelodieghe nicha aighu konyu inyo waji-kuwi, sa iji koni oreandikieghe: ‘Wandu awa wanibonyera ishima ja momu ghoni, waghamba Mlungu, ela ngolo rawo reko kula nani.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

LUKA 11:43

Ni bugha konyu inyo Mafarisayo, angu mwakunda vifumbi va ishima andenyi ya sunagogi, na kurogholwa sokonyi.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

LUKA 12:56

Inyo waji-kuwi, mwaichi kutambua vimu kwa kuzighana ndoenyi na mlungunyi, kwaki sena mlemwagha ni kutambua maza ra ngelo iri?”

LUKA 13:15

Nao Bwana ukamzera, “Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato?

LUKA 20:46

“Mkulindie na walimu wa Sharia, awo wikundagha kusela na nguwo ndacha, na kukunda kurogholwa masokonyi, na kukunda vifumbi viboie andenyi ya sunagogi, na andu kwa ishima karamunyi;

LUKA 6:24

Ela ni bugha konyu inyo muko na mali, angu mwameria kupata wuhoreshi ghonyu.

LUKA 6:42

Angu-lee, kuchamzera wada mwanyinyu, ‘Mwanidu, leka nikufunye ichi kijaghulu chiko irisonyi kwako,’ na oho kumoni kusechiwonagha kilingo chiko irisonyi kwako? Muji-kuwi oho, funya kilingo chiko irisonyi kwako kande, niko kuchaawona nicha kufunya kijaghulu chiko andenyi ya iriso ja mwanyinyu.

JOHANE 13:29

Wamu wikaghesha wei angu Juda orekoghe ukidwa mfuko ghwa pesa, Jesu odemzera ughuo ivo vindo vikundikagha kwa ndima, angu kewada uneke wakiwa kindo chimu.

JOHANE 5:41

“Si angu nawuyalola kukaswa ni wandu,

JOHANE 5:44

Mdima wada kurumiria mkinekana wubaa mmbeni na mmbeni, nenyo msekunde kughulola ugho wubaa ghufumagha kwa Mlungu moni?

JOHANE 7:18

Mundu udedagha kwa nguma rake reni wadalola wubaa ghwake moni. Ela uo ulolagha wubaa ghwa uo oremdumieghe, wadakaia mloli, hata ndekuwadie mikalo ingi andenyi kwake anduangi.

MABONYO GHA WADUMI 10:2

Orekoghe ukinugha dini na kumuobua Mlungu andwamweri na wandu wake wose. Ukakaia ukifunya makuwio mengi kwa wandu, na kulomba Mlungu matuku ghose.

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

MABONYO GHA WADUMI 11:29

Wanughi wikawona nicha wiwidumie wutesia waruna werekoghe wikikaia Judea kula umu seji udimagha;

MABONYO GHA WADUMI 24:17

“Nyuma ya kukaia kula kwa miaka milazi, nerechieghe ngiwiredia wandu wa mbari yapo makuwio na mafunyo.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

WAROMA 12:8

uo ukumbagha ngolo, ndekumbe ngolo; uo ufunyagha, ndefunye kwa wungi; uo utesiagha, ndetesie kwa ngolo, uo ubonyagha nguma, ndebonye kwa kufunga ndighi; na uo uko na wughoma, ndefuye wughoma kwa kuboilwa.

1 WAKORINTHO 13:3

Ngera nafunya vose niko navo, na kuneka wakiwa, hata kufunya mumbi ghwapo ghukoro, nani siwadie lukundo, sipatagha fwaida ingi anduangi.

WAGALATIA 2:10

Ilagho jimweri weredizerieghe ni angu diwikumbuke wakiwa, najo ni ilagho ini moni nerefungieghe ndighi kujibonya.

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

1 WATHESALONIKE 2:6

Hata ndederelolieghe wubaa kufuma kwa wadamu, ikaiagha ni konyu, angu kwa wandu wazima; hata ngera saki eredimikagha dilawie konyu sa wadumi wa Kristo.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

FILEMONI 1:7

Neko na kuboilwa kubaa na kukumbwa ngolo ni lukundo lwako mwanidu, kwa kukaia kwawuyawihoresha waeli ngolo.

WAEBRANIA 13:16

Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 SAMUELI 15:30

Sauli ukatumbulia, “Nabonya kaung'a elaima leka sinda niposhua imbiri ya wabaa wa wandu wapo, na imbiri ya Israeli. Nisighe dighendanye niwonemtasa BWANA Mlungu wako.”