MATHAYO 6:10 - Biblia Ilagho Jiboie Kwa Wandu Wose

¹⁰ Wuzuri ghwako ghuche, Lukundo lwako lubonyeke, ndoenyi sa iji luko mlungunyi.

MATHAYO 6:10 ပူးပေါင်းရင်းမြစ်များ

NEHEMIA 9:6

Niko wandu wa Israeli wikalomba huwu: “Oho BWANA, ni oho kuekeri kuko BWANA; korebonyereghe ndoe na bahari na vose viko andenyi yaro; kukawineka wose irangi. Ijeshi jose ja mlungunyi jaghoghoma kukutasa oho.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 40:8

Naawuyaboilwa ni kubonya lukundo lwako ee Mlungu wapo.” Sharia yako eko andenyi ngolonyi kwapo.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

MATHAYO 3:2

ukighamba, “Heenyi angu wuzuri ghwa Mlungu ghwavika kaavui.”

MATHAYO 4:17

Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”

MATHAYO 7:21

“Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi.

MARKO 11:10

Ndeghurasimilo ughu wuzuri ghuchagha ghwa aba odu Daudi. Hosana Uo-Uko-Aighu-Nandighi.”

MARKO 3:35

Angu uo ose ulubonyagha lukundo lwa Mlungu, nuo moni mwanidu wa womi, na mwanidu wa waka na mao.”

LUKA 19:11

Nao iji wandu werekoghe wikimsikiria, Jesu ukachuria kuwighoria mfwano, angu orekoghe kaavui na Jerusalemu, nawo wereririkanyireghe angu ahoeni Wuzuri ghwa Mlungu ghuchawoneka shwa wori.

LUKA 19:38

wikighamba, “Nderasimilo Mzuri uo uchagha kwa irina ja Bwana, sere ndeikaie mlungunyi, na wubaa mlungunyi aighu nandighi.”

LUKA 22:42

“Aba ngera kwakunda, niinjire ichi kikombe, ela isakekaia sa iji nikundagha, ela ikaie sa iji kukundagha oho.” [

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

MABONYO GHA WADUMI 13:22

Nao iji wamuinja Sauli, ukammbika Daudi ukaie mzuri wawo ukimshuhudia na kughamba, ‘Nawona Daudi mwana wa Jese ni mundu uko seji ngolo yapo ikunde, nao uchabonya ghose nighikundagha.’

MABONYO GHA WADUMI 21:14

Nao iji walegha kusikira putu, dikamleka na kughamba, “Lukundo lwa Bwana lubonyeke.”

MABONYO GHA WADUMI 22:14

Nao ukaghamba, ‘Mlungu wa weke aba wakusaghue kumanye lukundo lwake, kummbone uja Mhachi, na kusikira lwaka kufuma momunyi kwake;

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

WAEFESO 6:6

si ngelo wiko aeni wikimzighanira, sa kukunda kuwiboia wadamu anduangi; ela sa wadumiki wa Kristo, mkibonya lukundo lwa Mlungu kwa ngolo.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

WAKOLOSAI 1:9

Kwa wundu ugho, kufuma dasikira agho, dadamlombia toe; eri mchulo ni kulumanya lukundo lwa Mlungu, kwa suku rose ra kiroho na kutambukilwa.

1 WATHESALONIKE 4:3

Mlungu waawuyakunda wueli ghonyu: kukaia, mkutanye na wulaki.

1 WATHESALONIKE 5:18

funyenyi chawucha kwa maza rose; angu huwo niko Mlungu ukunde konyu inyo muko andenyi ya Kristo Jesu.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 10:36

Angu yakundikie mrumaghie, eri mpate kulubonya lukundo lwa Mlungu, na kupata icho mlaghirilo.

WAEBRANIA 10:7

Niko ngaghamba, ‘Ola nameria kucha sa iji koni malagho ghapo ghiandikilo andenyi ya chuo; nipate kubonya lukundo lwako ee Mlungu.’”

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

1 PETRO 2:15

Angu ni lukundo lwa Mlungu kwa inyo kubonya nicha, muwinyamirishe wandu wakelu wisemanyagha.

1 PETRO 4:2

eri kwa irangi jisigharikie, mseduo moyo kwa kunugha bea ra kidamu, ela mnughe lukundo lwa Mlungu.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.

WUFUNUO 19:6

Niko ngasikira lwaka sa lwa izungu ibaa ja wandu, sa lwa machi mengi, na sa mrurumo m'baa ghwa lukuwa rikighamba kwa lwaka lubaa, “Haleluya! Angu Bwana Mlungu odu Uo Uwadie Ndighi Rose, wabonya nguma.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.