MATHAYO 5:9 - Biblia Ilagho Jiboie Kwa Wandu Wose

⁹ Warasimilwa awa wipatanishagha wandu, angu awo wichawangwa wana wa Mlungu.

MATHAYO 5:9 ပူးပေါင်းရင်းမြစ်များ

1 MALAGHO GHA NGELO 12:17

Daudi ukafuma kuwimara ukawizera, “Ikakaia mwaacha dibonye wughenyi munitesie, karibunyi diwadane; ela kamanya mwaacha kunifunya kwa wamaiza wapo, nani siwadie ikosa jingi, Mlungu wa weke aba uchawona na kumkaba.”

ZABURI 120:6

Nakaia luma nandighi aghadi ya wandu wiseikunde sere.

ZABURI 34:12

Welee, kwakunde irangi, sena kuduo moyo matuku mengi na kuwona mecha?

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

LUKA 20:36

angu ndewiwuyaafwa sena anduangi, kwa kukaia wakaia karakara na weke malaika, nawo ni wana wa Mlungu, angu wameria kuruka kufuma kwa wafu.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

MABONYO GHA WADUMI 7:26

Ituku ja kawi orewikueghe Waisraeli wikirashana weni na weni, ukakunda kuwipatanisha ukighamba, ‘Wele wandu, mkwanywa niki mundu na mruna wori?’

WAROMA 12:18

Timenyi seji mdimagha kukaia na sere na wandu wose.

WAROMA 8:14

Angu awo wose wighenjwagha ni Roho wa Mlungu niwo wana wa Mlungu.

WAROMA 8:16

Uja Roho moni washuhudia andwamweri na roho redu kukaia deko wana wa Mlungu,

WAROMA 8:19

Angu vilambo vose viumbilo vawesera kwa bea mbaa kuja kufunukulwa kwa wana wa Mlungu.

1 WAKORINTHO 6:6

nao loli mundu udime wamwenja mruna kotinyi, sena icheni ya wandu wiserumirie?

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAEFESO 4:1

Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

WAFILIPI 4:2

Nawivoya Euodia na Suntike wipatane sa wanidu kwa Bwana.

WAKOLOSAI 3:13

mkirumaghiana mmbeni na mmbeni, na ngera mndungi oko na ilagho jingi aighu ya mmbao, mfuyane wughoma sa iji koni Bwana oremfuyeghe wughoma inyo, nenyo wori suti mfuyane wughoma.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.