MATHAYO 5:7 - Biblia Ilagho Jiboie Kwa Wandu Wose

⁷ Warasimilwa awa wiko na wughoma, angu awo wichafuilwa wughoma.

MATHAYO 5:7 ပူးပေါင်းရင်းမြစ်များ

2 SAMUELI 17:28

wikamredia Daudi vitanda, beseni, nyungu ra wongo, ngano, shairi, mifu, viro vikangilo, mngulu, na dengu,

2 SAMUELI 22:26

“Kwadakuwonyera kumoni kukaia mloli kwa uo uko mloli ee BWANA, na kwa uo usewadie ikosa kwadakuwonyera kumoni kukaia mucha.

ZABURI 112:4

Mwengere ghwadalangala akirenyi, kwa wandu wiko wa mvono, na wughoma, na hachi.

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

ZABURI 18:25

BWANA, kwadakuwonyera kumoni seji kuko mloli kwa uo uko mloli, na kwa mundu mucha, kwadakuwonyera kumoni kukaia mucha.

ZABURI 37:26

Ngelo rose wadaneka kwa ishima na kukopesha, na wana wake, wawuya marasimio.

MAKATANISHO 11:17

Mundu ukakaia na wughoma, ni fwaida kwake; ela mkinyanya wadakushoghonua moni.

MAKATANISHO 11:25

Mundu unekagha wandu, uchafughishwa; uo uhoreshagha wandu nao moni uchahoreshwa.

MAKATANISHO 14:21

Uo ummenyagha mmbao, ni mkaung'a, ela uo ummboniagha mkiwa wughoma, uchaboilwa.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

ISAYA 57:1

Mundu wa hachi waawuyatota, na mndungi ndetalagha; wandu wimuobuagha Mlungu waawuyafwa wurumwengunyi, na mndungi ndetambukilwagha. Kwa kukaia mundu wa hachi waafunywa wasinyi,

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

HOSEA 2:1

Kwa huwo kummbange Israeli, “Wandu wa Mlungu” na “Ukundo ni Mlungu.”

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

MARKO 11:25

Nenyo iji mwakaia kimusi mkilomba, fuenyi wughoma ikakaia mkosane ilagho jingi na mndungi, niko na Ndeyo onyu uko mlungunyi uchamleka inyo makosa ghenyu. [

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

WAROMA 11:30

Na sa iji koni morekoghe msemsikiragha Mlungu aho imbiri, ela idana mwafuilo wughoma kwa wundu ghwa kulegha kwawo;

1 WAKORINTHO 7:25

Idana kwa wundu ghwa malagho gha wandu wiselowue, siwadie momu ghungi ghwa Bwana anduangi; ela niafunya maghesho ghapo ini moni sa mundu nirumirikie kwa wughoma ghwa Bwana.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

WAEFESO 4:32

nenyo m'bonyerane nicha mmbeni na mmbeni. Mkaie na ngolo ya kinyoshi, mkifuyana wughoma mmbeni na mmbeni; sa iji koni Mlungu oremfueghe wughoma andenyi ya Kristo.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 TIMOTHEO 1:13

hata ngera aho imbiri neremsholieghe, ngamkoronga na kumdukana, ela nerefuloghe wughoma, kwa kukaia nerekoghe ngibonya agho nisemanyagha, na kwa kusowa irumirio;

1 TIMOTHEO 1:16

ela nerefuloghe wughoma kwa wundu ughu; kukaia andenyi kwapo ini niko wa imbiri, Jesu Kristo upate kuwonyera kurumaghia kwake kukatie, nipate kukaia fwana kwa awo wichaarumiria kwake, wipate irangi ja kala na kala.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.