MATHAYO 5:6 - Biblia Ilagho Jiboie Kwa Wandu Wose

⁶ Warasimilwa awa wiko na njala na kau ekunda kubonya hachi, angu awo wichakatwa.

MATHAYO 5:6 ပူးပေါင်းရင်းမြစ်များ

ZABURI 107:9

Wadawihoresha wiko na kau, na awo wiko na njala, wadawighudisha na vindo vicha.

ZABURI 145:19

Wadawikatishira wose wimuobuagha, nao wadasikira kililo chawo, na kuwikira.

ZABURI 17:15

Ela ini nichakaia na hachi eghuzighana wushu ghwako; na iji nawuka, nichakatwa ni kukuwona oho.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

ZABURI 65:4

Warasimilwa wandu kuwisaghuagha na kuwireda kaavui wikaieghe wazenyi kwako. Dichakatwa ni vilambo vicha va nyumbenyi kwako, iyo Hekalu yako ya wueli.

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

MAKATANISHO 10:24

Icho mundu mmbiwi uchiobuagha nicho cheni chichaamchea, ela mhachi uchanekwa icho uchikunde.

MAKATANISHO 21:21

Uo unughagha hachi na wughoma, uchawona irangi na ishima.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ISAYA 41:17

“Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

LUKA 6:25

Ni bugha konyu inyo mghudagha idana, angu mchasikira njala. Ni bugha konyu inyo msekagha idana, angu mchakaia na wasi na kulila.

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

JOHANE 7:37

Nao ituku ja kutua mbai, ituku ibaa ja Ndima, Jesu ukakaia kimusi na kughora kwa lwaka lubaa, “Ngera mndungi waoma, ndeche kwapo unyo.

WUFUNUO 7:16

Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.