MATHAYO 5:5 - Biblia Ilagho Jiboie Kwa Wandu Wose

⁵ Warasimilwa awa wiko wa mboa, angu awo wichapata isanga.

MATHAYO 5:5 ပူးပေါင်းရင်းမြစ်များ

ZABURI 147:6

BWANA wadawiwusira awo wighushiro, na kuwikumba wawiwi andonyi.

ZABURI 149:4

BWANA wadaboilwa ni wandu wake; wadawibonya wandu wikuserie wineko ishima kwa kuwibonya wisime.

ZABURI 22:26

Wakiwa wichaja na kughuda; awo wimlolagha BWANA, wichamkasa. Awo ndewiduo kwa kala na kala.

ZABURI 25:13

Uo moni uchadua nicha, na wana wake wichapata isanga.

ZABURI 25:9

Wadawilongoza awo wikuserie, na kuwifundisha kubonya lukundo lwake.

ZABURI 37:11

Ela wandu wa mboa, wichapata isanga; wichaboilwa na kupata kwa wungi.

ZABURI 37:22

Awo wirasimilo ni BWANA, wichajipata isanga; ela awo uwiwasire njowe wichafungwa noko.

ZABURI 37:29

Wahachi wichapata isanga, na kudua andenyi yaro matuku ghose.

ZABURI 37:34

Msuwirie BWANA, kukatishe malaghiro ghake. Uchakujosa kwa kukuneka isanga; na oho kuchawona wawiwi wikifunywa noko.

ZABURI 37:9

Wandu wawiwi wichainjwa, ela awo wimsuwiriagha BWANA, wichapata ifwa ja isanga.

ZABURI 69:32

Awo wikorongelo, wichawona na kuboilwa; inyo mumlolagha Mlungu, mkaisho moyo.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MITALO 12:3

Uo Musa orekoghe mundu wa mboa nandighi kuchumba wandu wose werekoghe ndoenyi.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 21:5

“Ghughorienyi muzi ghwa Sioni, hoyu mzuri wako wakuchea, wa mboa, wajoka aighu ya punda na punda mtini, mwana wa punda.”

WAROMA 4:13

Ilaghiro orenekeloghe Abrahamu na kivalwa chake, kukaia wichaghupata ifwa wurumwengu, nderelaghiriloghe uchaghupata ifwa wurumwengu kwa kuinugha Sharia, ela ni kwa chia etalilwa hachi ya irumirio.

WAGALATIA 5:23

wumboa, na kukumazira; aighu ya maza iri, ndekuwadie sharia ingi anduangi.

WAEFESO 4:2

Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 TIMOTHEO 2:25

na kuwiwonyera kwa wumboa awo wimtangalagha. Kewada Mlungu uchawineka kuhea na kuvikia kuimanya ija loli;

TITO 3:2

Wisakemghora mndungi kiwiwi, wisekaie werashana, wikaie wa mboa, na kuwonyera wucha ghose kwa wandu wose.

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

JAKOBO 3:13

Nani uko na hikima na suku aghadi konyu? Ndewonyere kwa irangi jake icha, iro kazi rake kwa wumboa ghwa hikima.

1 PETRO 3:15

ela mumneke ishima Kristo ngolonyi konyu ukaie Bwana. Mkaie tayari ngelo rose, kumtumbulia mundu uo ose uchaamkotia malagho gha isuwirio muko najo andenyi konyu; ela tumbulienyi kwa wumboa na ishima,

1 PETRO 3:4

ela kukaie kwa mundu uvisikie wa ngolonyi, uko na lulu isenonekagha ya roho ya wumboa, ihorie; nayo yawadie zoghori mbaa imbiri ya Mlungu.