MATHAYO 5:44 - Biblia Ilagho Jiboie Kwa Wandu Wose

⁴⁴ Ela ini namzera, muwikunde wamaiza wenyu, sena muwilombie awo wimtiriragha;

MATHAYO 5:44 ပူးပေါင်းရင်းမြစ်များ

2 WAZURI 6:22

Elisha ukatumbulia, “Kusewibwaghe. Wele kuabwagha wandu kwawidwa wunyika kwa lufu lwako na ndana yako? Wineke vindo wije, na machi winyo, wipate kuwuya kwa bwana wawo.”

ZABURI 7:4

ikakaia nim'bonyere mghenyi wapo kiwiwi, angu kumsoka m'maiza wapo kuseko na hachi,

MAKATANISHO 19:11

Kukaia na akili kwadam'bonya mundu umazirie machu ghake, nao wadaboilwa ni kulekia makosa.

LUKA 23:34

Nao Jesu ukaghamba, “Aba, wifuye wughoma angu ndewimanyire iji wijibonyagha anduangi.” Wikawagha nguwo rake kwa kurikabia kura.

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

MABONYO GHA WADUMI 16:28

Ela Paulo ukaghora na lwaka lubaa, “Kusakekubonya kiwiwi chingi, angu deko aeni diwose.”

MABONYO GHA WADUMI 7:60

Nao ukadunga ngokoro ukakema na lwaka lubaa, “Bwana kusekewitalia kaung'a ihi.” Uendaghora huwo, ukafwa.

WAROMA 12:14

Rasimienyi awo wimtiriragha; rasimienyi hata msakewasira njowe.

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

1 PETRO 3:9

Msakelipiana kiwiwi kwa kiwiwi, angu masholio kwa masholio; ela wulalo ghwa agho, mrasimie; angu morewangiloghe mpate irasimio.

1 SAMUELI 24:17

ukamzera Daudi, “Oho koko na hachi kunichumba, kwa kukaia kwanilipa mecha, ingelo ini nawuyakulipa mawiwi.