MATHAYO 5:37 - Biblia Ilagho Jiboie Kwa Wandu Wose

³⁷ Ela kukaghora ‘Ee’ angu ‘Hata,’ ikaie wokoni. Angu ijo jose jichumbagha agho jadafuma kwa uja Mmbiwi.

MATHAYO 5:37 ပူးပေါင်းရင်းမြစ်များ

MATHAYO 13:19

Iji mndungi wasikira ilagho ja wuzuri ela ndejimtambukie, uja mmbiwi wadaacha na kujiinja ngolonyi kwake, nao wafwanana na mbeu ipotokie chienyi.

MATHAYO 13:38

mbuwa ni wurumwengu. Mbeu ndicha ni wana wa ugho wuzuri. Isaka jifwanane na ngano ni wana wa uo Mmbiwi;

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MATHAYO 5:36

Hata kusakeghema kwa chongo chako, angu ndekudimagha kughalua iridia jimweri jiwuye ja chokwa angu ja chilu anduangi.

MATHAYO 6:13

Kusakedikumba matimonyi, Ela kudikire na uja Mmbiwi.’

JOHANE 17:15

Silombagha kuwifunye wurumwengunyi, ela nalomba kuwilindie na uja Mmbiwi.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

WAEFESO 4:25

Kwa huwu mkisigha tee, kula mundu ughorie mmbao loli; angu deko via diweni na diweni.

WAEFESO 6:16

Na aighu ya agha ghose, mkaie na irumirio sa ngao, mpate kurimisha mawanu ghose gha modo gha Uja Mmbiwi.

WAKOLOSAI 3:9

Msekaliane mmbeni na mmbeni, angu mwamerie kughurua ghuja wundu ghwa kala na tabia yaro,

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

2 WATHESALONIKE 3:3

Ela Bwana ni mloli, nao uchamneka ndighi na kumlindia na uja Mmbiwi.

JAKOBO 5:12

Ela aighu ya ghose wanidu, msakeghema; msegheme kwa mlungunyi, hata kwa ndoenyi, angu kwa kindo icho chose chingi kizima. Ela hee yenyu ndeikaie hee, na hata ikaie hata, msechepata kutanywa.

1 JOHANE 2:13

Namuandikia inyo weke aba, kwa kukaia mwamwichi uo orekoghe kufuma kuzoya. Namuandikia inyo wadawana, kwa kukaia mwamsimie Uja Mmbiwi. Namuandikia inyo wanake, kwa kukaia mwamwichi uja Aba.

1 JOHANE 3:12

si sa Kaini uo orekoghe wa Uja Mmbiwi, hata ukam'bwagha mruna. Na kwaki orem'bwaghagha? Ni angu mabonyo ghake gherekoghe ghizamie, na gha mruna gherekoghe gha hachi.

1 JOHANE 5:18

Isi damanya angu mndungi uvalo ni Mlungu ndebonyagha kaung'a, kwa kukaia Mwana wa Mlungu wadamlindia; na Uja Mmbiwi ndem'bonyagha ilagho jingi anduangi.