MATHAYO 5:30 - Biblia Ilagho Jiboie Kwa Wandu Wose

³⁰ Ikakaia mkonu ghwako ghwa kiwomi ghuakushekeria kungie kaung'enyi, kughudumbuo kughude noko; ni nicha kulaghasha kia chimu chako kuchumba mumbi ghwako ghose kukumbwa jehanamunyi.

MATHAYO 5:30 ပူးပေါင်းရင်းမြစ်များ

MATHAYO 11:6

Warasimilwa uo mundu useko na ngera nani.”

MATHAYO 13:21

ela ndewadie miri ingi; wadakaia najo kwa ngelo vui, hata ghikacha matiriro angu kusumbulwa kwa wundu ghwa ilagho ijo, shwa wori wadajisigha.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MATHAYO 17:27

Ela disakewikuwisha; ghenda ndiwenyi, kukumbe kiloo; iji kwawada samaki ya imbiri, na kuitambarua momu ghwake, kuchapata pesa shekeli imweri; nao kuwineke kwa wundu ghwapo na ghwako.”

MATHAYO 18:8

“Ngera mkonu ghwako angu kughu kwako kuakushekeria kubonye kaung'a, kukudumbuo kukude noko. Ikaia baa kungie iranginyi kusewadie mkonu angu kughu kumu, kuchumba kukaia na mikonu angu na maghu awi nao kukumbo modonyi ghwa kala na kala.

MATHAYO 22:13

Nao mzuri ukawizera waja wadumiki, ‘Mfungenyi mikonu na maghu, mumkumbe kwa kira chiko shighadi; aho kuchakaia kulila na kuja maghegho.’

MATHAYO 25:20

Uja orewusireghe talanto isanu ukacha na talanto zima isanu ukighamba, ‘Bwana, koreninekieghe talanto isanu, ola nashamie ngapata zima talanto isanu.’

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

MATHAYO 5:29

Idana ngera iriso jako ja kiwomi jiakushekeria kungie kaung'enyi kujikuo kujide noko. Ni nicha kulaghasha kia chimu chako kuchumba mumbi ghwako ghose kukumbwa jehanamunyi.

MARKO 9:43

Na ngera mkonu ghwako ghwakukuwisha, ghudumbuo! Ni nicha oho kungie iranginyi kuseko na mkonu ghumu, kuchumba kukaia na mikonu iwi, nao kughende modonyi ghwa jehanamu. [

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

LUKA 17:2

Yakaiagha nicha ngera odefungwa igho jesha singonyi kwake na kukumbwa baharinyi, kuchumba kumshekeria umu wa awa watini, ungie kaung'enyi.

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

1 WAKORINTHO 8:13

Kwa huwo, ikakaia vindo viamshekeria mwanidu ubonye kaung'a, na jingi sichaaja nyama, nichemshekeria mwanidu kungia kaung'enyi.

WAGALATIA 5:11

Ela wanidu, ikakaia nadadua ngichila uko kushamishwa, kwaki sena niduagha ngitirirwa? Aho msalaba ghwa Kristo ndaghwakaiagha ikuwisho anduangi.

1 PETRO 2:8

Na sena, “Ni igho jichaawikuwara wandu, na lwala luchaawighusha.” Wakuwa, angu wisejisikiragha ijo ilagho; sa iji koni werewikiloghe wikaie.