MATHAYO 5:24 - Biblia Ilagho Jiboie Kwa Wandu Wose

²⁴ kuchisighe kizongona chako ahoeni madhabahunyi, kughende kupatane na mwanyinyu kande, ima kuchefunya icho kizongona chako.

MATHAYO 5:24 ပူးပေါင်းရင်းမြစ်များ

AYUBU 42:8

Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

MAKATANISHO 25:9

Kukakaia na ilagho na mmbenyu m'boise mmbeni; kusefunukuo malagho gha mundu mzima ghivisiro,

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 5:23

Na oho iji kwakafunya kizongona chako madhabahunyi, nao anyaho kukumbuke kukaia mwachumbane na mwanyinyu,

MARKO 9:50

Kiserere ni kindo kicha, ela chikafumwa ni kusinga kwaro, muchachilunga naki? Kaienyi na kiserere andenyi konyu, nenyo mkaie na sere mmbeni na mmbeni.”

1 WAKORINTHO 11:28

Mundu ndekuzighane moni kande, ima uje ugho mkate na kunywa kwa kikombe icho.

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.