MATHAYO 5:19 - Biblia Ilagho Jiboie Kwa Wandu Wose

¹⁹ Niko huwu, uo ose uchaaghuchikanya momu mtini ghwa Sharia ukifundisha wandu wibonye huwo, uchakaia mtini putu kwa Wuzuri ghwa mlungunyi. Ela uo uiwadagha memu na kuwifundisha wazima, nuo moni uchaakaia m'baa kwa Wuzuri ghwa Mlungu.

MATHAYO 5:19 ပူးပေါင်းရင်းမြစ်များ

ZABURI 119:128

Kwa huwo nadanugha mafundisho ghako ghose; nadazamilwa ni kula chia ya tee.

ZABURI 119:6

sadimagha kufushwa waya, ngiimaziria memu yako.

DANIELI 12:3

Awo wa hikima wichang'ala-ng'ala sa kung'ala-ng'ala kwa mawingunyi; na awo wiwighaluagha wengi wiinughe hachi, wichang'alng'ala sa nyerinyeri kwa kala na kala.

MATHAYO 11:11

Namghoria loli, kwa awo wose wivalo ni waka, ndewonekie mndungi uko m'baa kumchumba Johane M'baputizi anduangi. Elaima, uo uko mtini putu kwa wuzuri ghwa Mlungu, ni m'baa kumchumba uo.

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 20:26

Ela konyu ndeichaakaia huwo anduangi, ela uo ose uchaakunda kukaia m'baa konyu, suti ukaie mdumiki onyu.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

LUKA 9:48

ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

MABONYO GHA WADUMI 1:1

Ee Theofilo, naandikie malagho andenyi ya chuo cha imbiri gha maza rose Jesu orezoeghe kuribonya na kufundisha,

WAROMA 3:8

Kwaki diseghambagha, “Ndedibonye mawiwi diwonepata mecha?” Seji wandu wamu widizighiriagha wei niko dighoragha huwo! Kutanywa kwawo ni kwa hachi.

WAROMA 6:1

Da dighora wada? Diduo kaung'enyi mvono ghwa Mlungu ghuwonechurikia?

WAROMA 6:15

Da ni wada? Dibonye kaung'a angu diseko aisi ya Sharia deeka aisi ya mvono? Hata kutini.

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

WUKUMBUSO 27:26

“‘Mundu ukaleghakatisha malagho gha ihi sharia kwa mabonyo, uwado ni njowe.’ Na wandu wose widikie, ‘Amen.’

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

1 JOHANE 3:4

Kula mundu ubonyagha kaung'a ni mleghi sharia; kwa kukaia kaung'a ni kuja kulegha sharia.

WUFUNUO 2:20

Ela neko na ilagho na kumoni; kwaduanyagha na uo muka Jezebeli, uo ukuwangagha moni mlodi, nao waawuyafundisha na kuwikalia wadumiki wapo wikuzaisire kulaka, na kuja vindo vifunyiro kizongona kwa milimu.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.