MATHAYO 5:18 - Biblia Ilagho Jiboie Kwa Wandu Wose

¹⁸ Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.

MATHAYO 5:18 ပူးပေါင်းရင်းမြစ်များ

ZABURI 102:26

Iro richatota, ela oho kuchadua; rose richaghosia sa nguwo. Oho kwadarighalusa sa nguwo, naro rasia.

ZABURI 111:8

Yadua kwa kala na kala, ipate kukatishwa kwa ngolo ya loli na nicha.

ZABURI 119:152

Namerie kumanya kwa ilagho jako kufuma aho kukaia, kooiwika memu yako iduo kwa kala.

ISAYA 40:8

Nyasi radanyaya, na mboi radapotoka; ela ilagho ja Mlungu odu jadadua kwa kala.”

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

MATHAYO 10:15

Namghoria loli, Ituku ja Kutanywa, muzi ugho ghuchakabwa kuchumba mizi ya Sodoma na Gomora.

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

MATHAYO 10:42

Na uo ose uchaamneka umu wa awa watini hata kikombe cha machi gha mbeo, angu wakaia mnughi wapo, ndechaasowa mafungu ghake anduangi.”

MATHAYO 11:11

Namghoria loli, kwa awo wose wivalo ni waka, ndewonekie mndungi uko m'baa kumchumba Johane M'baputizi anduangi. Elaima, uo uko mtini putu kwa wuzuri ghwa Mlungu, ni m'baa kumchumba uo.

MATHAYO 13:17

Namghoria loli, walodi wengi na wandu wa hachi werekoghe na bea eghiwona agha mughiwonagha ela ndewereghiwonieghe; na kusikira agha mughisikiragha, ela ndewereghisikireghe anduangi.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MATHAYO 18:18

“Namghoria loli, ijo jose muchaajifunga ndoenyi jichafungika mlungunyi, na ijo jose mchaajifungua ndoenyi, jichafungulwa mlungunyi.

MATHAYO 18:3

ukawizera, “Namghoria loli, ngera mseghalukagha na kuwuya sa wanake watini, jingi ndemchaangia kwa wuzuri ghwa mlungunyi anduangi.

MATHAYO 19:23

Niko Jesu ukawizera wanughi wake, “Namghoria loli, kuchakua nandighi kwa mundu uko na mali kungia kwa wuzuri ghwa mlungunyi.

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 21:21

Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 23:36

Namghoria loli, kivalwa ichi chichakabwa kwa wundu ghwa maza iro rose.

MATHAYO 24:2

Ela uo ukawitumbulia, “Mwaghiwona agha ghose? Namghoria loli, ndekuwadie igho jingi jichaasigharika aighu ya mmbao jiseghushiro andoenyi anduangi.”

MATHAYO 24:47

Namghoria loli uchammbika mdumiki uja aighu ya mali rake rose.

MATHAYO 25:12

Ela ukawitumbulia, ‘Namghoria loli simwichi inyo anduangi.’

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

MATHAYO 5:26

Loli nakuzera, ndekuchaafuma aho anduangi hata kwameria kulipa senti ya kutua.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:2

Idana iji kwakafunya makuwio ghangi, kusakekuwonyera kumoni seji awo waji-kuwi wibonyagha sunagoginyi rawo, na chienyi; wikikunda kukaswa ni wandu. Namghoria loli, wameria kupata mafungu ghawo.

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.

MARKO 10:15

Namghoria loli, uo ose useghurumiriagha Wuzuri ghwa Mlungu sa mwanake mtini, na jingi ndechaangia andenyi kwaro anduangi.”

MARKO 10:29

Jesu ukaghamba, “Namghoria loli, ndekuwadie mndungi usighie nyumba, angu waruna wa womi na wa waka, angu mae, angu ndee, angu wana, angu mbuwa, kwa wundu ghwapo na kwa wundu ghwa ijo Ilagho Jiboie,

MARKO 11:23

Namghoria loli, uo ose uchaaghuzera mghondi ughu, ‘Kuka kukukumbe baharinyi’, nao ndekaiagha na ngera ingi ngolonyi kwake, ela warumiria angu agho ughoragha ghichakaia wokoni, loli uchabonyerwa.

MARKO 12:43

Jesu ukawiwanga wanughi wake, ukawizera, “Namghoria loli, uhu muka mkiwa ufuilo ni mumi wake, wafunya nyingi kuchumba wose wakumba pesa isandukunyi.

MARKO 13:30

Namghoria loli, kivalwa ichi ndechichaaida, maza iri rose risekaie anduangi.

MARKO 14:18

Nao iji werekoghe mezenyi wikija vindo, Jesu ukaghamba, “Namghoria loli, umu onyu dijanyagha, uchanifunya.”

MARKO 14:25

Namghoria loli, sichaanywa sena divei ya mizabibu anduangi, hata ituku jija niinywagha mbishi kwa Wuzuri ghwa Mlungu.”

MARKO 14:30

Jesu ukamzera, “Nakughoria loli, angu oho, ichi kio cheni, imbiri njogholo isededie kawi, kuchanikana mando adadu.”

MARKO 14:9

Namghoria loli, kula andu kose jichaachilwa Ilagho Jiboie wurumwengunyi kose, iji najo wajibonya muka uhu jichaghorwa kwa kumkumbuka.”

MARKO 3:28

“Namghoria loli, wadamu wichalekwa kaung'a rawo rose, na masholio ghawo ghose;

MARKO 6:11

Ela kasikira andu kungi wandu walegha kumkaribisha angu kumsikira, mkakafuma aho-lee, muanguo teri iko maghunyi konyu na kosi, ghupate kukaia wushuhuda kwawo.”

MARKO 8:12

Ukasoria ngolo na ndighi, ukaghamba, “Welee, kwaki kivalwa ichi chilolagha alama? Namghoria loli, kivalwa ichi ndechichanekwa alama ingi anduangi.”

MARKO 9:1

Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”

MARKO 9:41

Angu uo ose uchaamneka inyo kikombe cha machi kwa kukaia mwakaia wa Kristo, namghoria loli, ndechaasowa ifungu jake aduangi.

LUKA 11:51

Kufuma bagha ya Abeli, hata bagha ya Zakaria uo oretotesheroghe aghadi ya madhabahu, na Andu kwa Wueli. Ee namghoria loli, ichakotelwa kwa kivalwa ichi.

LUKA 12:37

Warasimilwa awa wadumiki bwana wawo uchaawikua wikicheresha, namghoria loli, uchakufunga uo moni, na kuwisera kidombo mezenyi upate kuwidumikia.

LUKA 13:35

Ola kwasighilwa nyumba yako. Nani namghoria loli, ndemchaaniwona, hata ituku jija mchaaghamba, ‘Warasimilwa uo uchagha kwa irina ja Bwana.’”

LUKA 16:17

Ela kwaangue mlungunyi na ndoenyi kuida, kuchumba kalagho katini ka Sharia kuida duu.

LUKA 18:17

Namghoria loli, uo ose useghuwusagha Wuzuri ghwa Mlungu sa mwanake mtini, na jingi ndechaangia andenyi kwaro anduangi.”

LUKA 18:29

Niko Jesu ukawizera, “Nani namghoria loli, kula mundu usighie muzi, angu muka, angu waruna, angu wavi, angu wana, kwa wundu ghwa Wuzuri ghwa Mlungu,

LUKA 23:43

Jesu ukamzera, “Nakughoria loli, idime iji kuchakaianya andwamweri nani Andu Kucha Warumunyi.”

LUKA 4:24

Ukaghamba, “Namghoria loli, ndekuwadie mlodi ungi urumirikiagha isangenyi jake jeni.

JOHANE 1:51

Nao ukachuria kughamba, “Namghoria loli, mchawona mlungunyi kukirughuka, na weke malaika wa Mlungu wikijoka na kusea aighu ya Mwana wa Mdamu.”

JOHANE 10:1

Nao Jesu ukaghamba, “Namghoria loli, ngera mundu usengiagha cha iranunyi ja ng'ondi kwa kuidiria mnyangonyi, ela uajokeria andu kuzima, uo ni kitoi na kiting'a.

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

JOHANE 12:24

Namghoria loli, ngera mbeu ya ngano isepotokagha andonyi na kufwa, ichakaia cheni iekeri, ela ikafwa ichava viro vingi.

JOHANE 13:16

Namghoria loli, mdumiki ndekaiagha m'baa kuchumba bwana wake, hata mdumi ndekaiagha m'baa kuchumba uo umdumie anduangi.

JOHANE 13:38

Jesu ukatumbulia, “Loli kwadima kufwa kwa wundu ghwapo? Nakughoria loli, njogholo ndeichadeda hata kwameria kunikana kadadu.”

JOHANE 14:12

Namghoria loli, uo unirumiriagha, uchabonya iro kazi niribonyagha; ee, nao uchabonya na zima mbaa kuchumba iri; angu niaghenda kwa Aba.

JOHANE 16:20

Namghoria loli, inyo mchalila na kudikwa ni mbori, ela wurumwengu ghuchaboilwa, mchakaia na wasi, ela wasi ghonyu ghuchaghaluswa kukaia kuboilwa.

JOHANE 16:23

Ituku ijo ndemchaanilomba kilambo chingi anduangi. Namghoria loli, icho chose mchaalomba kwa uja Aba kwa irina japo uchamneka.

JOHANE 21:18

Nakughoria loli, iji korekoghe mdawana, korekufungieghe kumoni mkowa ghwako, na kughenda andu uko kose korekundieghe; ela iji kwaghosia, kuchaighorua mikonu yako, na mundu mzima uchakufunga na kukudwa andu kusekunde.”

JOHANE 3:11

Nakughoria loli, isi dadeda agho dighiichi, na kushuhudia agho dighiwonie, ela inyo ndemghurumiriagha wushuhuda ghodu anduangi.

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

JOHANE 5:19

Nao Jesu ukawizera, “Namghoria loli, Mwana ndedimagha kubonya ilagho jingi uo moni anduangi, ela wadabonya karakara na agho ughiwonagha kwa Ndee. Angu agho ughibonyagha uja Aba, nigho gheni na Mwana ughibonyagha wokoni.

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

JOHANE 6:32

Niko Jesu ukawizera, “Namghoria loli, Musa nderemnekieghe mkate kufuma mlungunyi; Aba nuo umnekagha inyo mkate ghwa loli kufuma mlungunyi.

JOHANE 6:47

Namghoria loli, uo urumiriagha, oko na irangi ja kala na kala.

JOHANE 6:53

Jesu ukawizera, “Namghoria loli, ngera msejagha nyama ya Mwana wa Mdamu na kuinywa bagha yake, ndemdimagha kukaia na irangi andenyi konyu anduangi.

JOHANE 8:34

Jesu ukawizera, “Namghoria loli, uo ose ubonyagha kaung'a ni mzumba wa kaung'a.

JOHANE 8:51

Namghoria loli, uo usikiragha mafundisho ghapo ndechaafwa anduangi.”

JOHANE 8:58

Jesu ukawizera, “Namghoria loli, imbiri ya Abrahamu kukaia, ‘Ini Neko.’”

1 PETRO 1:25

Ela ilagho ja Bwana, jadadua kwa kala na kala.” Ijo ilagho, ni jija Ilagho Jiboie morechililoghe.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.