MATHAYO 5:16 - Biblia Ilagho Jiboie Kwa Wandu Wose

¹⁶ Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

MATHAYO 5:16 ပူးပေါင်းရင်းမြစ်များ

KUFUMA 34:35

ukakaia ukifinikira wushu ghwake, angu wandu werekoghe wikiwona wushu ghwake ghuking'ala-ng'ala. Ukaghufinikira hata ituku wakawuya kudedanya na BWANA.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 58:8

“Aho niko mwengere ghwako ghuchang'ala-ng'ala sa kuela kwa ndoe, na oho kuchaboiswa shwa wori. Hachi yako ichakukiria imbiri kwako, na wubaa ghwapo ini BWANA ghuchakaia nanyuma yako kukulindia.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

MATHAYO 23:9

Sena msakemmbanga mndungi ‘Aba’ aha ndoenyi, angu Ndeyo onyu ni umweri uko mlungunyi.

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:9

Idana mlombeghe sa huwu: ‘Aba odu kuko mlungunyi, Irina jako jikaso.

MATHAYO 9:8

Wandu wose izungunyi iji waghiwona agho, wikaobua na kumkasa Mlungu uo orewinekieghe wadamu iro nguma.

LUKA 11:2

Jesu ukawizera, “Iji mwakalomba ghambenyi: ‘Aba, Irina jako jiele, Wuzuri ghwako ghuche.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

1 WAKORINTHO 14:25

ngasu ra ngolo yake richawikwa worinyi, nao ukighwa kijimijimi, uchamtasa Mlungu na kughora worinyi angu Mlungu oko aghadi konyu loli.

2 WAKORINTHO 9:13

Kwa chia ya kutimwa kwaro wudumiki ughu, wichamkasa Mlungu wikiwona seji mwawuyasikira, kwa kujirumiria ijo Ilagho Jiboie ja Kristo; na kwa wundu ghwa iyo ngolo enyu ndicha efunya, kwa wundu ghwawo na kwa wazima wose;

WAGALATIA 1:24

Nawo wikamkasa Mlungu kwa wundu ghwapo.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

1 WATHESALONIKE 2:12

angu mkaie na irangi jim'boiagha Mlungu, uo ummbangagha inyo andenyi ya Wuzuri na wubaa ghwake moni.

1 TIMOTHEO 2:10

ela wikupambe kwa mabonyo mecha, seji iwifwane waka wimuobuagha Mlungu.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

1 TIMOTHEO 5:25

Huwo koni mabonyo mecha gheko worinyi; na hata agho ghiseko worinyi, ndeghidimagha kudua ghivisikie anduangi.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

TITO 3:4

Ela iji wucha na wughoma ghwa lukundo lwa Mlungu Mkiri odu ghorewonekieghe,

WAEBRANIA 10:24

Nesi ndeditalane na kushashiriana diweni na diweni, kwa lukundo, na kubonya kazi ndicha.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 PETRO 3:1

Huwo koni inyo waka, mkuwike aisi ya womi wenyu; eri ngera weko wangi wisewuejisikira ijo ilagho ja Mlungu, wirudo kuseko na kujighora ijo ilagho;

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.