MATHAYO 5:14 - Biblia Ilagho Jiboie Kwa Wandu Wose

¹⁴ “Inyo moko mwengere wurumwengunyi; muzi ghuko mghondinyi ndeghudimagha kuvisika anduangi.

MATHAYO 5:14 ပူးပေါင်းရင်းမြစ်များ

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

EZEKIELI 5:5

Bwana MLUNGU waghamba huwu, “Wona Jerusalemu, muzi nighuwikie ghadi na ghadi ya iro mbari ra wandu, na masanga ghighumare chia rose.

JOHANE 12:36

Iji muko na ugho mwengere mughurumirie; mpate kuwuya wana wa mwengere.” Nao nyuma ya kughora malagho agho, Jesu ukaghenda chia yake, ukakuvisa, na kukaia kula nawo.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

JOHANE 9:5

Iji ini niko wurumwengunyi, neko mwengere ghwa wurumwengu.”

2 WAKORINTHO 6:14

Msakefungwanya na wandu wiserumiriagha. Angu ghoko wungara ghwa indoki aghadi ya hachi na kiwiwi? Anguu, mwengere na kira vawadie wungara ghwa indoki?

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

1 WATHESALONIKE 5:5

Angu inyo mmbose mo wandu wa mwengere, na wandu wa dime; isi ndediko wandu wa kio, hata wandu wa kira anduangi.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 2:5

Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.