MATHAYO 5:11 - Biblia Ilagho Jiboie Kwa Wandu Wose

¹¹ “Mwarasimilwa inyo iji wandu wamsholia, na kumtirira, na kumzighiria kwa tee rose kwa wundu ghwapo.

MATHAYO 5:11 ပူးပေါင်းရင်းမြစ်များ

ZABURI 35:11

Washahidi wa tee wawuka aighu yapo; wianishitakia na malagho niseghiichi.

ZABURI 44:22

Ela sena daawuyabwaghwa kwa wundu ghwako dime dii, na kutalwa kukaia sa ng'ondi ra kubwaghwa.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

JEREMIA 37:14

Nani ngatumbulia, “Iro ni tee, siwuyewikimbia cha kwa Wababuloni kungi.” Ela Irija nderemsikireghe, ukammbwada Jeremia na kumreda kwa wabaa.

MATHAYO 10:18

Mchaghenjwa imbiri ya awo wibonyagha nguma na wazuri kwa wundu ghwapo; mpate kujichila ijo Ilagho Jiboie kwawo na kwa mbari zima wori.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 10:25

Yamkata mnughi kukaia sa mwalimu wake na mdumiki sa bwana wake. Ikakaia wammbanga m'baa wa nyumba Beelizebuli, wichachumba saki kuwiwanga marina ghizamie awo wa kinyumba chake.

MATHAYO 10:39

Uo ulolagha kujikira irangi jake uchajilaghasha, ela uo ujilaghashagha irangi jake kwa wundu ghwapo uchajipata.

MATHAYO 19:29

Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala.

MATHAYO 24:9

“Wichamfunya mtiriro na kubwaghwa, nenyo mchamenywa ni mbari rose kwa wundu ghwa irina japo.

MATHAYO 27:39

Na wandu werekoghe wikiida wikamsholia Jesu wikisughusa vongo vawo,

MARKO 13:13

Nenyo mchamenywa ni wandu wose kwa wundu ghwa irina japo. Ela uo urumaghiagha hata kutua, nuo moni uchaakia.”

MARKO 13:9

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

MARKO 4:17

ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha.

MARKO 8:35

Angu uo ose uchaakunda kujikira irangi jake, uchajilaghasha; ela uo ose uchaajilaghasha irangi jake kwa wundu ghwapo, na kwa wundu ghwa ijo Ilagho Jiboie, nuo moni uchaajikira.

LUKA 21:12

Ela imbiri ya maza iri rose kuwoneka, wichammbwada inyo na kumtirira, wichamghenja mandunyi ya sunagogi, wipate kumngira kifungonyi, mchaghenjwa imbiri ya wazuri na awo wibonyagha nguma, kwa wundu ghwa irina japo.

LUKA 21:17

Wandu wose wichazamilwa ni inyo kwa wundu ghwa irina japo.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

LUKA 9:24

Angu uo ose uchaajikira irangi jake uchajilaghasha; ela uo ujilaghashagha irangi jake kwa wundu ghwapo uchajikira.

JOHANE 15:21

Ela wicham'bonyera maza iri rose kwa wundu ghwapo, angu ndewimwichi uo orenidumieghe anduangi.

JOHANE 9:28

Nao wikamsholia wikighamba, “Oho nuo mnughi wake, ela isi de wanughi wa Musa.

MABONYO GHA WADUMI 9:16

angu ini nichammbonyera seji ichaamfwana kutirirwa kwa wundu ghwa irina japo.”

WAROMA 8:36

Sa iji iandikilo, “Ngelo rose deeka ndengonyi ebwaghwa kwa wundu ghwako; Dawoneka sa ng'ondi riendaachinjwa.”

1 WAKORINTHO 4:10

Dakaia wakelu kwa wundu ghwa Kristo, ela inyo moko na hikima andenyi ya Kristo. Dasowa ndighi, ela inyo mwawadie ndighi. Mwaawuyakaswa, ela isi daawuyasowelwa ishima.

2 WAKORINTHO 4:11

Angu iji diko moyo, daawuyakaia ndengonyi ebwaghwa kwa wundu ghwa Jesu; eri irangi ja Jesu jipate kuwoneka worinyi andenyi ya mimbi edu efwa.

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.

WUFUNUO 2:3

Namanya angu kwawuyarumaghia luma kwa wundu ghwapo hata ndekusilwagha ni ndighi.