MATHAYO 4:3 - Biblia Ilagho Jiboie Kwa Wandu Wose

³ Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

MATHAYO 4:3 ပူးပေါင်းရင်းမြစ်များ

KUFUMA 16:3

wikawizera, “Erekaiagha nicha ngera BWANA odedibwaghia isanga ja Misri, aho dereserieghe kidombo aghadi ya sufuria ra nyama, dikija mikate na kughuda. Ela inyo mwadireda ichi kireti kubwagha iji ikwanyiko jose kwa njala.”

MATHAYO 14:33

Na wose werekoghe ishuonyi wikamtasa wikighamba, “Loli oho ko Mwana wa Mlungu.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MARKO 1:1

Uku niko kuzoya kwaro Ilagho Jiboie ja Jesu Kristo, Mwana wa Mlungu,

MARKO 3:11

Na wandu werekoghe na pepo ra makakala iji wammbona, wikaghwa imbiri kwake wikikema na kughamba, “Oho ko Mwana wa Mlungu!”

MARKO 5:7

ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

LUKA 22:70

Niko aho wose wikaghamba, “Huwo ni kughamba oho ko Mwana wa Mlungu?” Ukawitumbulia, “Inyo mwaghamba angu ini nuo moni.”

LUKA 4:3

Nao Ibilisi ukamzera, “Ngera koko Mwana wa Mlungu, kujizere iji igho jiwuye mkate.”

LUKA 4:41

Na pepo nyingi rikawifuma wandu wengi rikikema na kughamba, “Oho ko Mwana wa Kristo!” Ela ukarikania na kurighiria kudeda, angu reremmanyireghe uo kukaia Kristo.

LUKA 4:9

Nao Ibilisi ukamdwa hata Jerusalemu, ukammbika mdonyi ghwa Hekalu, ukamzera, “Ngera koko Mwana wa Mlungu, kukuchunuo kumoni andonyi,

JOHANE 1:34

Nani nawonie, niko nashuhudia angu uhu ni Mwana wa Mlungu.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 9:35

Nao Jesu ukasikira angu weremmbingieghe, hata iji wammbona ukamkotia, “Welee, oho kwarumiria kwake Mwana wa Mdamu?”

MABONYO GHA WADUMI 9:20

Nao shwa wori ukazoya kumchila Jesu andenyi ya masunagogi ukighamba, “Jesu ni Mwana wa Mlungu.”

2 WAKORINTHO 1:19

Angu Mwana wa Mlungu Jesu Kristo, uo deremchilieghe konyu, ini, na Silvano, na Timotheo, si wa “Hee” na “Hata” anduangi; ela andenyi kwake ni “Hee” matuku ghose.

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

1 WATHESALONIKE 3:5

Kwa wundu ughu, niendalemwa ni kurumaghia kuchumba, niko ngamduma Timotheo, nipate kumanya malagho gha irumirio jenyu, ngiobua kewada uo Mtimi wachemtima, na kazi edu ikawuya ya duu.

WAEBRANIA 12:16

Mndungi usekaie mlaki, angu usemuobuagha Mlungu sa Esau uo oreuzireghe hachi ya kuvalwa kwake kwa vindo va ngelo imweri.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 7:3

Uo ndewadie ndee, angu mae, hata kichuku chingi; ndewadie kuzoya hata kutua kungi anduangi. Nao ukifwanana na Mwana wa Mlungu, wadua mkohani kwa kala na kala.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.