MATHAYO 4:23 - Biblia Ilagho Jiboie Kwa Wandu Wose

²³ Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 4:23 ပူးပေါင်းရင်းမြစ်များ

ZABURI 103:3

Uo wadanifuya wughoma kaung'a rapo rose, na kuniboisa makongo ghapo ghose.

ZABURI 74:8

Wikaghora ngolonyi kwawo, “Dichawisima putu;” wikakora kula andu kuwikilo komtasira Mlungu isangenyi.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MATHAYO 12:9

Nao Jesu ukafuma aho ukaghenda kwa sunagogi yawo,

MATHAYO 13:19

Iji mndungi wasikira ilagho ja wuzuri ela ndejimtambukie, uja mmbiwi wadaacha na kujiinja ngolonyi kwake, nao wafwanana na mbeu ipotokie chienyi.

MATHAYO 13:54

ukaghenda mzinyi kwawo. Ukakaia ukiwifundisha wandu andenyi ya sunagogi yawo, hata wikashinika wikighamba, “Mundu uhu wapatire hao hikima ihi na awa weke mwakilimbiti?

MATHAYO 14:14

Hata umeria kuvika pwani, ukawona izungu ibaa ja wandu ukawifuya wughoma, ukawiboisa wakongo wawo.

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

MATHAYO 3:2

ukighamba, “Heenyi angu wuzuri ghwa Mlungu ghwavika kaavui.”

MATHAYO 9:35

Nao Jesu ukaghenda mizi yose mibaa na mitini, ukifundisha andenyi ya sunagogi rawo na kujichila Ilagho Jiboie ja wuzuri ghwa Mlungu; ukaboisa makongo na manyonge gha mbari rose.

MARKO 1:14

Nyuma ya Johane kuwadwa na kungirwa kifungonyi, Jesu oreghendieghe Galilaya, ukichila Ilagho Jiboie ja Mlungu,

MARKO 1:21

Wikavika muzi ghwa Kafarnaumu; hata iji javika ituku ja Sabato, Jesu ukangia andenyi ya sunagogi, ukafundisha.

MARKO 1:39

Niko ukaghenda andu kose Galilaya, ukangia sunagoginyi rawo, ukichila na kuwinga pepo.

MARKO 3:10

angu orewiboisireghe wengi, hata wose werekoghe na makongo wikamtindiria wipate kumuadada.

MARKO 6:2

Ituku ja Sabato, ukazoya kufundisha sunagoginyi, na wengi wa awo weremsikireghe wikashinika wikighamba, “Welee, uhu mundu wapatire hao maza iri? Ni hikimaki ihi unekelo mundu uhu? Sena awa weke mwakilimbiti wawuyawibonya-bonya wada?

MARKO 6:6

Ukashinika kwa awo kusowekelwa ni irumirio. Nao Jesu ukamara-mara mzinyi, ukifundisha.

LUKA 10:9

wiboisenyi wakongo wiko ahoeni, muwizere, ‘Wuzuri ghwa Mlungu ghwameria kumchea kaavui.’

LUKA 13:10

Ituku jimu ja Sabato, Jesu orekoghe ukifundisha andenyi ya sunagogi imu.

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

LUKA 20:1

Ituku jimu, iji Jesu orekoghe ukifundisha Hekalunyi, na kuchila ijo Ilagho Jiboie, wakohani wabaa, walimu wa Sharia, na waghosi, wikamchea;

LUKA 4:14

Nao Jesu ukawuya Galilaya uko nandighi ra Roho Mweli, na sare yake ikaera mbai-mbai kose isangenyi.

LUKA 5:17

Ituku jimu, Jesu orekoghe ukifundisha. Ahoeni korekoghe na Mafarisayo na walimu wa Sharia wiko kidombo, wafuma kula muzi ghwa Galilaya, Judea na Jerusalemu; na ndighi ra Bwana reboisa rerekoghe aeni kwake.

LUKA 6:17

Nao iji Jesu wasea kufuma mghondinyi andwamweri nawo, ukakaia kimusi andu kwa wurindi chiaimweri na wanughi wake wengi; na izungu ja wandu wifumie Judea yose, Jerusalemu, na pwani ya Tiro na Sidoni, werechieghe kumsikira na kuboiswa makongo ghawo;

LUKA 6:6

Nao ituku izima ja Sabato, ukangia andenyi ya sunagogi; ukafundisha. Ahoeni korekoghe na mndumu, mkonu ghwake ghwa kiwomi ghukelemere.

LUKA 7:21

Nao saa ija eni Jesu ukaboisa wandu wengi werekoghe na makongo na saka, ukawinga pepo nyingi rizamie, na wengi werekoghe vitungure ukawidimisha kuwona.

LUKA 7:22

Jesu ukawitumbulia, “Ghendenyi mumghorie Johane malagho agho mwaghiwona na kughisikira; vitungure wapata kuwona kwawo, watighini waghenda, wandu wiko na sima waeleshwa, na awa wifue madu wasikira, na awo wifue warukishwa, na wakiwa wachililwa Ilagho Jiboie.

LUKA 8:1

Konyuma Jesu ukamara-mara mizinyi mibaa na mitini ukichila na kueresha Ilagho Jiboie ja Wuzuri ghwa Mlungu, na waja wanughi ikumi na wawi werekoghe aeni.

LUKA 9:11

Na jija izungu ja wandu wiendamanya, wikamnugha. Jesu ukawikaribisha na kuwighoria malagho gha wuzuri ghwa Mlungu, ukawiboisa awo werekundieghe kuboiswa.

LUKA 9:60

Jesu ukamzera, “Wisighe wafu wirike wafu wawo, ela oho ghenda kuchile malagho gha Wuzuri ghwa Mlungu.”

JOHANE 18:20

Jesu ukamtumbulia, “Ini nerekoghe ngighora malagho worinyi kwa wandu wose, na kufundisha andenyi ya masunagogi, na Hekalunyi andu Wayahudi wose wikwanagha, hata na jingi sidedie ilagho jingi kivisonyi anduangi.

JOHANE 6:59

Jesu oreghighorieghe agho malagho andenyi ya sunagogi aja Kafarnaumu iji orekoghe ukifundisha.

JOHANE 7:1

Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 18:4

Na kula Sabato, ukakaia ukikotiana na wandu malagho andenyi ya sunagogi, ukitima kuwiruda Wayahudi na Wagriki wori.

MABONYO GHA WADUMI 20:25

“Nani idana namanya angu inyo mmbose niidie aghadi konyu ngimchilia Wuzuri ghwa Mlungu, ndemchaaniwona sena anduangi.

MABONYO GHA WADUMI 28:31

Ukachila malagho gha Wuzuri ghwa Mlungu, na kufundisha malagho gha Bwana Jesu Kristo worinyi useghirilwagha ni mndungi.

WAROMA 10:15

Na wandu wichila wada ngera wisedumilo? Sa iji iandikilo, “Kwaboie nandighi kucha kwa awo wandu wiredagha Ilagho Jiboie.”