MATHAYO 4:10 - Biblia Ilagho Jiboie Kwa Wandu Wose

¹⁰ Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 4:10 ပူးပေါင်းရင်းမြစ်များ

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

AYUBU 1:12

BWANA ukamzera Shetani, “Kwadima kubonya ilagho kwa vilambo vose uko navo, ela uo moni kusem'bonye ilagho jingi.” Nao Shetani ukamsigha BWANA.

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

AYUBU 2:1

Ituku jimu weke malaika wikacha sena kukuwonyera weni imbiri ya BWANA, na Shetani wori ukachanya nawo.

ZABURI 109:6

Saghuonyi mundu mmbiwi usimane nao; m'maiza wa uo mbiwi ndemshitakie.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MARKO 1:13

Ukakaia aho matuku mirongo ina, ukitimwa ni Shetani, ukakaianya na nyamandu ra isakenyi; ela weke malaika wikakaia wikimdumikia.

LUKA 10:18

Nao ukawizera, “Neremmbonieghe Shetani ukipotoka sa luhehia kufuma mlungunyi.

LUKA 11:18

Na ngera Shetani wakuwagha uo moni-lee, wuzuri ghwake ghuchamanga wada? Angu mwaghamba nadawinga pepo ngidimishwa ni Beelizebuli.

LUKA 13:16

Na muka uhu nao ni wa kivalwa cha Abrahamu, Shetani umfungie miaka ikumi na wunyanya, ndeifwaneghe ufungulo ituku ja Sabato anguwada?”

LUKA 22:3

Niko Shetani ukamngia Juda uwangwagha Iskarioti, nao ni umu wa waja wanughi ikumi na wawi;

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

LUKA 4:8

Jesu ukamzera, “Yaandikilo, ‘Kuchamtasa Bwana Mlungu wako, sena kuchamdumikia uo moni uekeri.’”

JOHANE 13:27

Na Juda umeria kuchiwusa icho kibelele cha mkate, Shetani ukamngia. Jesu ukamzera, “Ijo kukunde kubonya jibonye shwa-shwa.”

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

1 WAKORINTHO 5:5

mundu uo mumneke Shetani, mumbi ghutotesho, eri roho yake ikiro ijo Ituku ja Bwana Jesu.

1 WAKORINTHO 7:5

Msakeimana mmbeni na mmbeni, isaakaia ngera moorumiriana kubonya huwo kwa ngelo; eri mpate wulalo ghokufunya kwa kulomba Mlungu, nyuma yaro mmburiane sena; Shetani usechepata wulalo ghomtima kwa kusowa kukumazira.

2 WAKORINTHO 11:14

Na kukakoni si ishiniko jingi, angu hata Shetani wakubonyagha moni kukaia malaika wa mwengere.

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

2 WAKORINTHO 2:11

kwa kumtangala Shetani usepate wulalo aighu edu; angu daichi mipango yake.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

JAKOBO 4:7

Kwa huwu, mkusere mmbeni aisi ya Mlungu. Mtangalenyi Ibilisi, nao uchamkimbia.

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

1 PETRO 5:9

Mangenyi andenyi ya irumirio jenyu, mumtangale, mkimanya angu matiriro muko nagho, nigho gheni ghawuyakaia kwa wanyinyu wiko wurumwengunyi.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”