MATHAYO 3:12 - Biblia Ilagho Jiboie Kwa Wandu Wose

¹² Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

MATHAYO 3:12 ပူးပေါင်းရင်းမြစ်များ

AYUBU 21:18

Ni kalinga wikaie sa matasa ghidukwagha ni mbeo, na sa makozi ghidukwagha noko ni kiremba?

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ZABURI 35:5

Ndewikaie sa makanda ghidukwagha ni mbeo, malaika wa BWANA ukiwiwinga noko.

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

ISAYA 27:4

Siwadie machu ghangi na mbuwa ya mizabibu. Ngera edeeka na minjwa na mtaranganga elwa nayo, kumangu nadaalwa nayo, na kuikora yose.

ISAYA 28:28

Huwo koni mundu ndekabagha ngano yake ngelo rose sa kuinona, ela uo waichi kuikaba hata kwa igare ja farasi kuseko na kuinona ndembe raro.

ISAYA 30:24

Njau renyu na punda wenyu welima wichaja mario gha nyasi idungilo chumbi na kusasawulwa kwa uma na mwiko.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 4:11

Ngelo yawuyacha, na wandu wa Jerusalemu wichazerwa, “Kiremba cha modo chichaweta kwawo kufuma kireti. Ndechichaakaia kiremba chiboie cheela masemu,

JEREMIA 51:2

nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

HOSEA 13:3

Kwa huwo wichasoweka sa ikungughu ja luma lwa nakesho, kara kara na mami ghiinjikagha kokio, na kara kara na makanda ghidukwagha noko ni mbeo kufuma kwa lwala loelea viro, angu sa mosi ghufumagha na idirisha.

AMOSI 9:9

“Nichafunya momu na kuwisughusa wandu wa Israeli aghadi ya iro mbari ra wandu seji wandu wichekechagha ngano na kichekecho. Nichawichekecha na kuinja wose wisefwanagha.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 13:30

Sighenyi rizoghuanye chiaimweri hata ngelo ekuwida. Ngelo iyo nichawizera awo wikuwidagha, zoenyi muinje isaka, mujifunge mafungu mafungu, eri jichekorwa. Ela ngano ikwanyenyi muingire nganyenyi kwapo.’”

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

MATHAYO 13:42

wiwikumbe kwa iwiwi ja modo ghubirie, na aho wichalila na kuja maghegho.

MATHAYO 13:43

Niko wahachi wichang'ala-ng'ala sa iruwa kwa wuzuri ghwa Ndee wawo. Uo uko na madu ghesikira ndesikire.

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

LUKA 3:17

Na lungo lwake loko mkonunyi kwake upate kuinja makanda ghose na kungira ngano nganyenyi kwake, ela makanda uchaghikora kwa modo ghuserimikagha anduangi.”

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.