MATHAYO 28:9 - Biblia Ilagho Jiboie Kwa Wandu Wose

⁹ Na ahoeni Jesu ukakwana nawo ukawizera, “Sere ndeikaie konyu.” Niko wikacha na kummbwada maghu ghake, wikamtasa.

MATHAYO 28:9 ပူးပေါင်းရင်းမြစ်များ

ISAYA 64:5

Oho kwadawikaribisha awo wose wibonyagha hachi kwa kuboilwa, awo wikumbukagha kubonya malagho kara kara na chia rako. Zighana oho korekoghe kwazamilwa ni isi, ela sena dikabonya kubonya kaung'a; dikakaia luma dikibonya iro kaung'a. Da huwo dadima kukia?

MATHAYO 14:33

Na wose werekoghe ishuonyi wikamtasa wikighamba, “Loli oho ko Mwana wa Mlungu.”

MATHAYO 23:7

na kurogholwa sokonyi wikiwangwa ni wandu ‘Mwalimu.’

MATHAYO 28:10

Jesu ukawizera, “Msakeobua, ghendenyi muwighorie wanidu wighende Galilaya, na aho wichaniwona.”

MATHAYO 28:17

Hata iji weremmbonieghe wikamtasa, ela wamu wikakaia na ngera.

MATHAYO 28:8

Niko wikafuma aho kaburinyi shwa-shwa, wikiobua na kuboilwa, wikaghenda na kuwighoria wanughi wake.

LUKA 1:28

Malaika ukamchea ukimzera, “Sere ndeikaie kwako oho kunekelo mvono, Bwana oko andwamweri na oho!”

LUKA 24:52

Nawo wikamtasa na kuwuya Jerusalemu, kwa kuboilwa kubaa.

LUKA 7:38

ukakaia kimusi na nyuma kaavui na maghu gha Jesu ukilila, na mbori rake rikamtonyera maghunyi, nao ukaghiaghia kwa iridia jake; ukasusugha maghu ghake na kughishinga agho marumba.

JOHANE 12:3

Nao Maria ukawada chupa ya marumba gha nardo nusu lita, nagho ni gha zoghori ya ighu na ndighi; ukamdiria Jesu maghu ghake, na kumuaghia kwa iridia jake. Nyumba yose ikanuka marumba mecha.

JOHANE 20:19

Luma lwa kenyi lwa jija ituku jeni ja Njumwa, wanughi werekoghe wakwanyika andenyi ya nyumba, na minyango yameria kurughwa kwa wundu ghwa kuwiobua Wayahudi. Jesu ukacha, ukakaia aghadi kwawo ukawizera, “Sere ndeikaie konyu.”

JOHANE 20:28

Nao Tomasi ukamtumbulia, “Bwana wapo, na Mlungu wapo!”

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.