MATHAYO 28:6 - Biblia Ilagho Jiboie Kwa Wandu Wose

⁶ Ndeuko aha kungi, ela wameria kuruka sa iji koni oreghorieghe. Choonyi mmbone andu Bwana orelalieghe.

MATHAYO 28:6 ပူးပေါင်းရင်းမြစ်များ

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

MATHAYO 17:23

Wicham'bwagha, ela ituku ja kadadu ucharuka.” Wanughi wake wikangilwa ni wasi loli-loli.

MATHAYO 17:9

Nao iji werekoghe wikisea kufuma mghondinyi, Jesu ukawilaghira, “Msakemghoria mndungi maza ra mawono agha hata Mwana wa Mdamu wameria kuruka kufuma kwa wafu.”

MATHAYO 20:19

sena wichamfunya kwa wandu wa mbari zima, nawo wichamseka na kumkaba na viboko, na kumsulubisha, ela ituku ja kadadu ucharuka.”

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MARKO 16:6

Ela uo mdawana ukawizera, “Msakeshinika. Namanya mwaawuyamlola Jesu wa Nazareti uo oresulubishiroghe. Waruka, ndeuko aha anduangi. Zighanenyi andu weremmbikieghe.

MARKO 8:31

Jesu ukazoya kuwifundisha wanughi wake: “Mwana wa Mdamu suti utiriro maza nyingi, na kuleghwa ni waghosi na wakohani wabaa, na walimu wa Sharia, sena ubwagho, na nyuma ya matuku adadu ucharuka.”

LUKA 24:12

[Ela Petro ukafuma na kughenda na iseghe cha kaburinyi, nao iji oresungieghe andenyi ukawona rija nguwo ra kurika riekeri, ukawuya nyumbenyi ukishinikia ghaja gherebonyekieghe.]

LUKA 24:23

ela wikaghusowa mumbi ghwake, wikawuya wikighora wei wawonie weke malaika wawizera kedi oko moyo!

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

JOHANE 10:17

“Uja Aba wanikunda kwa kukaia najifunya irangi japo nipate kujiwusa sena.

JOHANE 2:19

Jesu ukawizera, “Inonenyi Hekalu ihi, nani nichaiagha kwa matuku adadu.”

MABONYO GHA WADUMI 2:24

Ela Mlungu oremrukishireghe kufuma kwa wafu, ukamuinja luwawo lwa kifwa, angu ndeeredimikieghe chimmazire anduangi.