MATHAYO 28:20 - Biblia Ilagho Jiboie Kwa Wandu Wose

²⁰ mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 28:20 ပူးပေါင်းရင်းမြစ်များ

KUZOYA 39:21

Ela BWANA orekoghe andwamweri na Josefu, ukamrasimia na kum'bonya urumirikie mesonyi kwa m'baa wa kifungonyi.

1 WAZURI 1:36

Nao Benaia mwana wa Jehoiada ukamtumbulia mzuri ukaghamba, “Ndeikaie wokoni! BWANA Mlungu wako ndebonye wokoni.

1 MALAGHO GHA NGELO 16:36

BWANA, uo Mlungu wa Israeli ndekaso! Ndekaso kwa kala na kala! Niko wandu wose wikaghamba, “Amen!” nawo wikamkasa BWANA.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

KUFUMA 8:27

Suti dighende charo cha matuku adadu noko cha kireti, dipate kumfunyira Mlungu odu kizongona, sa iji koni uchaadilaghira.”

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

EZEKIELI 46:10

Wichangianya na m'baa wa isanga, na kufumanya nao.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

MATHAYO 13:49

Niko koni ichaakaia kutua kwa ngelo; malaika wichacha kuwiinja wandu wawiwi wifume kwa wandu wa hachi,

MATHAYO 18:20

Angu wawi angu wadadu wikakwanyika kwa irina japo, na ini nichakaia ahoeni andwamweri nawo.”

MATHAYO 24:3

Hata iji Jesu wasea kidombo aighu ya Mghondi ghwa Mizeituni, wanughi wake wikamghendia njamenyi wikamkotia, “Kudighorie, maza iri richakaia lii? Na alama ya kucha kwako ni iao, na ya kuja kukatia kwa ngelo?”

MATHAYO 6:13

Kusakedikumba matimonyi, Ela kudikire na uja Mmbiwi.’

MARKO 16:20

Wanughi wikafuma, wikachila andu kose, Bwana moni ukibonya kazi andwamweri nawo; ukijimangisha jija ilagho kwa weke mwakilimbiti werebonyeroghe. Amen.]

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

1 WAKORINTHO 11:2

Namkuma, angu mwawuyanikumbuka kwa maza rose na kumaziriana na agho malaghiro neremnekieghe.

1 WAKORINTHO 11:23

Angu agho mafundisho nereghiwusireghe kufuma kwa Bwana, nigho gheni neremnekieghe; kukaia, chija kio Bwana Jesu orefunyiroghe, orewadieghe mkate;

1 WAKORINTHO 14:37

Ngera mndungi wakuririkanya uo moni kukaia mchili, angu uko na inosi ja roho uchamanya wori malagho agha namwandikia ni momu ghwa Bwana.

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

WUKUMBUSO 5:32

“Kwa huwo mlindie kubonya sa iji koni BWANA Mlungu onyu umlaghirie, mseghaluke.

WAKOLOSAI 1:28

Uo dawuyamchila dikiwonyera, na kumfundisha kula mundu kwa hikima yose, eri dimrede kwa Mlungu kula mundu wameria kuzoghua andenyi ya Kristo.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

2 PETRO 3:2

mpate kukumbuka seji walodi wielie werezoeghe kughora, na ugho momu ghwa Bwana na Mkiri ghuchee kwa chia ya wadumi wenyu.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.