MATHAYO 28:2 - Biblia Ilagho Jiboie Kwa Wandu Wose

² Ahoeni ghukakaia msughusiko m'baa ghwa ndoe; angu malaika wa Bwana oreserieghe kufuma mlungunyi, ukajibingilisha jija igho na kujiseria kidombo.

MATHAYO 28:2 ပူးပေါင်းရင်းမြစ်များ

MATHAYO 27:60

ukaghungira andenyi ya kaburi yake mbishi, oreikotereghe ighonyi; ukabingilisha igho ibaa mnyangonyi ghwa kaburi, ukaghenda chia yake.

MATHAYO 27:66

Nao wikaghenda na kuilindia kaburi kwa kujikaba jija igho muhuri, na kwa kuwika walindiri.

JOHANE 20:1

Nao Ituku ja Njumwa kokio, ndoe isetambukie, Maria Magdaleni ukaghenda kaburinyi; ukajiwona igho jainjwa mnyangonyi ghwa kaburi.

MABONYO GHA WADUMI 16:26

Nao ahoeni, korekoghe na msughusiko m'baa ghwa ndoe; misingi ya jela ikasughusika, na shwa wori minyango yose ikarughuka, na vifungo va kula mfungwa vikafunguka.

MABONYO GHA WADUMI 5:19

Ela kio ghadi malaika wa Bwana ukairughua minyango ya jela na kuwifunya shighadi ukawizera,

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.