MATHAYO 27:51 - Biblia Ilagho Jiboie Kwa Wandu Wose

⁵¹ Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;

MATHAYO 27:51 ပူးပေါင်းရင်းမြစ်များ

2 MALAGHO GHA NGELO 3:14

Ukabonya pazia ya nguwo ya rangi ya buluu, na ya zambarau, na itinikie, na kitani ndicha, ukachora makerubi aighu yaro.

ZABURI 18:15

Baharinyi kondonyi korewonekieghe, na misingi ya wurumwengu ikafunukulwa iji korewidokieghe wamaiza wako ee BWANA, kukiwirurumia kwa machu ghako.

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

KUFUMA 40:21

Ukangira iyo Sanduku Hemenyi na kurugha pazia. Huwo ukairugha iyo Sanduku sa iji koni BWANA oremlaghirieghe.

ISAYA 25:7

Uchainja wasi ghorewipatireghe wandu wose aighu ya mghondi ughu, agho matiriro gherekoghe na wandu wa mbari rose.

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

WALAWI 21:23

Kwa wundu ghwa uo kukaia na itiko mumbinyi kwake, ndechaasoghoda kaavui na pazia ya wueli angu madhabahu, usechelusha ivo vilambo, angu Ini ne BWANA ueleshagha ivo vilambo.”

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

HABAKUKI 3:13

Oho korefumieghe kuwikire wandu wako, kupate kumkira mzuri uo mshingwa mavuda wako. Oho korem'barieghe chongo uo kilongozi wa wawiwi, kukawitotesha wanughi wake putu.

MITALO 4:5

Kawona Hema yakakulwa, Haruni na wana wake wichangia wisere kitambaa cha pazia, na kuifinikira Sanduku ya Ilaghano.

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 28:2

Ahoeni ghukakaia msughusiko m'baa ghwa ndoe; angu malaika wa Bwana oreserieghe kufuma mlungunyi, ukajibingilisha jija igho na kujiseria kidombo.

MARKO 15:38

Pazia ya Hekalu ikarashuka vibelele viwi kufuma aighu hata andonyi.

LUKA 23:45

Iruwa ndejerefunyireghe miengere yaro anduangi; na pazia ya Hekalu ikarashuka vibelele viwi.

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

WAEBRANIA 6:19

Isi deko na ijo isuwirio jiko sa nanga imange ya irangi jedu, jingiagha kondenyi na kuida pazia na nyuma,

WAEBRANIA 9:3

Nanyuma ya pazia ya kawi, korekoghe na hema iwangwagha Andu kwa Wueli Kuchumbie.

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.