MATHAYO 27:50 - Biblia Ilagho Jiboie Kwa Wandu Wose

⁵⁰ Nao Jesu ukakema sena na lwaka lubaa ukaifunya roho yake.

MATHAYO 27:50 ပူးပေါင်းရင်းမြစ်များ

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 27:49

Ela wazima wikaghamba, “Lekenyi dilangarie ngera Elija ucha kumkira.”

MARKO 15:37

Aho Jesu ukakema na lwaka lubaa, ukameria moyo.

LUKA 23:46

Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

JOHANE 10:15

sa iji Aba uniichi ini, nani namwichi Aba; nani najifunya irangi japo kwa wundu ghwa ng'ondi.

JOHANE 19:29

Aho korekoghe na bakuli ichue siki. Nao wikawusa sponji, wikaingira andenyi ya siki, wikaifunga mdonyi ghwa hisopu, wikamjosera momunyi kwake.

JOHANE 19:30

Nao iji Jesu waitoa iyo siki, ukaghamba, “Yasia.” Ukaghoghomesha chongo chake ukaifunya roho yake.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.