MATHAYO 27:43 - Biblia Ilagho Jiboie Kwa Wandu Wose

⁴³ Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

MATHAYO 27:43 ပူးပေါင်းရင်းမြစ်များ

ZABURI 14:6

Inyo wawiwi, mwadainona mipango ya mkiwa; ela BWANA wadamlindia.

ZABURI 22:8

“Oremrumirieghe BWANA, oke ndemkire, ndemvuvuo angu um'boiagha!”

ZABURI 3:2

Wandu wengi waawuyanideda wikighamba, “Mlungu ndemtesiagha kungi.”

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

ZABURI 71:11

Waghamba, “Mlungu wamsighie; dimnughe dimmbwade angu ndena mndungi omkira.”

ISAYA 36:15

Msekalilo ni Hezekia ukimzera wei, “BWANA uchadikira loli, hata muzi ughu ndeghuwadwagha ni mzuri wa Waashuru kungi.”

ISAYA 36:18

Lindienyi Hezekia usemlaghashe ukimzera wei, “BWANA uchadikira.” Welee, eko milungu ya mbari ingi ikirie isanga jawo na mzuri wa Waashuru?

ISAYA 37:10

wa Juda kumzera, “Uo Mlungu kwawuyamrumiria wei wakuzerie kedi ndekuchaangia mikonunyi kwapo kungi usekukalie.

MATHAYO 27:40

wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

LUKA 23:35

Na wandu wikakaia kimusi wikizighanira; ela wabaa wikamsholia wikighamba, “Orewikirieghe wazima, ndekukire uo moni; ikakaia loli ni Kristo wa Mlungu msaghulwa wake.”

LUKA 23:37

wikighamba, “Ngera koko mzuri wa Wayahudi, kukukire kumoni!”

JOHANE 10:30

Ini na Aba ni umweri.”

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”