MATHAYO 27:4 - Biblia Ilagho Jiboie Kwa Wandu Wose

⁴ ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

MATHAYO 27:4 ပူးပေါင်းရင်းမြစ်များ

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

2 WAZURI 24:4

na kwa wundu ghwa kubwagha wandu wa hachi. Kwa kukaia Manase orebwaghieghe wandu wa hachi wengi wa Jerusalemu, na BWANA nderekoghe tayari kumfuya wughoma.

AYUBU 13:4

Inyo mwaawuyafinikira wukelu ghonyu na tee; inyo mmbose mooka sa warighiti wisefwanagha.

AYUBU 16:2

“Nasikire malagho mengi sa agho; wuhoreshi ghonyu ni matiriro maduu.

ZABURI 94:21

Wawadana chiaimweri kulwa na mundu wa hachi na kumtanya mundu usewadie ikosa jingi ubwagho.

KUFUMA 12:31

Kio chija cheni, Farao ukawiwanga Musa na Haruni ukawizera, “Wukenyi mghende mfume kwa wandu wapo, inyo na Waisraeli wose. Ghendenyi mumdumikie BWANA seji mghambie.

KUFUMA 9:27

Nao Farao ukaduma Musa na Haruni wiwango, ukawizera, “Ngelo ihi nabonya kaung'a, BWANA oko na hachi; ela ini na wandu wapo deko na makosa.

MAKATANISHO 12:8

Mundu uko na hikima wadakaswa, ela mkelu wadamenywa.

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

JONA 1:14

Kwa huwo wikamlilia BWANA wikaghamba, “Dakuvoya ee BWANA kusakeditalia ikosa kwa wundu ghwa kum'bwagha mundu usene ikosa, angu niko koni kwawona ikaie huwo ee BWANA.”

MATHAYO 27:19

Hata iji oreserieghe kidombo kwa kifumbi cha kutanya, mkake ukamdumia momu ukighamba, “Kusekaie na ilagho jingi na uo mundu wa hachi, angu ikwau nasumbukie kwa mengi ndodonyi kwa wundu ghwake.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

LUKA 23:22

Nao Pilato ukawizera indo ja kadadu, “Ela wabonya ikosaki? Ini siwonie ikosa jingi kwake jimfwanagha ufo anduangi; kwa huwu nichamkaba na kiboko na kumfungua.”

LUKA 23:41

Isi loli daakabwa kwa hachi, ela mundu uhu ndebonyere ikosa jingi anduangi.”

LUKA 23:47

Uja m'baa wa masikari uendawona agho gherebonyekieghe, ukamkasa Mlungu ukighamba, “Kwa loli mundu uhu orekoghe mhachi.”

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

MABONYO GHA WADUMI 13:28

Hata ngera ndewerepatireghe ilagho jingi jimfwanagha kufwa, ela wikamlomba Pilato umfunye ubwagho.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

1 JOHANE 3:12

si sa Kaini uo orekoghe wa Uja Mmbiwi, hata ukam'bwagha mruna. Na kwaki orem'bwaghagha? Ni angu mabonyo ghake gherekoghe ghizamie, na gha mruna gherekoghe gha hachi.

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

1 SAMUELI 15:24

Nao Sauli ukamzera Samueli, “Nabonya kaung'a; kwa kukaia nalegha kusikira momu ghwa BWANA, na malagho ghako; angu nawiobua wadamu na kusikira mawoni ghawo.

1 SAMUELI 15:30

Sauli ukatumbulia, “Nabonya kaung'a elaima leka sinda niposhua imbiri ya wabaa wa wandu wapo, na imbiri ya Israeli. Nisighe dighendanye niwonemtasa BWANA Mlungu wako.”

1 SAMUELI 19:5

kwa kukaia orewikieghe irangi jake ndengonyi, ukam'bwagha uja Mfilisti Goliathi; na BWANA ukareda wusimi m'baa kwa Waisraeli wose. Oho kumoni kwawonie kukaboilwa; kwaki sena kukunde kubonya kaung'a edia bagha isewadie ikosa jingi, kwa kum'bwagha Daudi duu?”