MATHAYO 27:32 - Biblia Ilagho Jiboie Kwa Wandu Wose

³² Nao iji werekoghe wikifuma, wikammbona mundu umu wa Kurene uwangwagha Simoni, na waja masikari wikamlazimisha ughuduke msalaba ghwa Jesu.

MATHAYO 27:32 ပူးပေါင်းရင်းမြစ်များ

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

1 WAZURI 21:13

Wandu wa ndonyi wawi wikangia na kusea kidombo kaavui na Nabothi; wikareda mashitaki aighu yake imbiri ya wandu wikighamba, “Nabothi wamsholia Mlungu na mzuri.” Wikamfunya shighadi ya muzi na kumlasa na magho hata ukafwa.

WALAWI 4:12

uchavifunya vose shighadi ya kambi, andu kueleshero kwa wundu ghodia ivu, na kuvikora kwa mbande, ahoeni ivu jidirilwagha.

WALAWI 4:21

Nao uchaighenja ija njau shighadi ya kambi, na kuikora sa iji koni orekorieghe njau ya imbiri kwa kaung'a rake moni. Ni kizongona kwa wundu ghwa kuinja kaung'a ya Ikwanyiko.

WALAWI 4:3

ikakaia ni Mkohani M'baa ubonyere kaung'a, na kushekeria wandu kutalwa kukaia wakosi, uchafunya mwana wa njau useko na itiko, upate kukaia kizongona kwa BWANA kwa wundu ghwa iyo kaung'a uibonyere.

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 5:41

Mundu ukakulazimisha kumdukie msigo ghwake kilometa imweri, mdukie kilometa iwi.

MARKO 15:21

Chienyi, wikakwana na mundu umu wafuma mbuwenyi, uwangwagha Simoni mundu wa Kurene, ndee wa Alekizanda na Rufo. Wikamlazimisha umdukie Jesu msalaba ghwake.

LUKA 23:26

Nao masikari wikamghenja Jesu noko, hata iji werekoghe wikighenda wikakwana na mndumu wa Kurene uwangwagha Simoni, orekoghe wafuma mashambenyi; wikammbwada, wikamdukishira ghuja msalaba umnughe Jesu na nyuma.

JOHANE 19:17

Nao ukafuma ukighuduka msalaba ghwake, wikabusa andu kuwangwagha, “Andu kwa Ngoma ya Chongo” (kwa Kiebrania ni Golgotha.)

MABONYO GHA WADUMI 11:20

Ela korekoghe na warumirii wamu, wandu wifumie Kupro na Kurene, nawo iji wereghendieghe Antiokia, wikawighoria Wagriki agho malagho wori; wikiwichilia ijo Ilagho Jiboie ja Bwana Jesu.

MABONYO GHA WADUMI 13:1

Andenyi ya Ikanisa ja Antiokia korekoghe na walodi wamu na walimu; nawo ni Barnaba, Simoni uwangwagha Mwachilu, Lukio kufuma Kurene, Manaeni uo oreleleloghe andwamweri na Herode m'baa wa isanga, na Sauli.

MABONYO GHA WADUMI 2:10

Frugia na Pamfulia, Misri na isanga jimu ja Libya kaavui na Kurene, na waghenyi wifumie Roma,

MABONYO GHA WADUMI 6:9

Niko wandu wamu wa Sunagogi ya Wandu-wiko-huru (sa iji erewangiloghe) nawo ni Wayahudi wifumie Kurene na Alekizanderia, na waja wifumie Kilikia na Asia wikazoya kubonya nganyi na Stefano.

MABONYO GHA WADUMI 7:58

Niko wikamkumba shighadi ya muzi na kumlasa na magho; na mashahidi wikariwika nguwo rawo rilindilo ni mdawana umu uwangwagha Sauli.