MATHAYO 26:72 - Biblia Ilagho Jiboie Kwa Wandu Wose

⁷² Nao Petro ukaana sena kwa kughema, “Simwichi mundu uo anduangi.”

MATHAYO 26:72 ပူးပေါင်းရင်းမြစ်များ

KUFUMA 20:7

“Kusakejighora duu irina ja BWANA Mlungu wako, angu Mlungu ndechaalegha kumtalia makosa, uo ughoragha irina jake duu.

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 26:71

Hata iji orekoghe ukifuma mnyangonyi, mwai umu wa kazi ukammbona ukawizera waja werekoghe aho, “Mundu uhu orekwanyeghe na Jesu Mnazareti.”

MATHAYO 26:73

Kapindi katini wandu werekoghe aho wikamchea Petro wikamzera, “Kwa loli oho ko mumzawo, hata kiteto chako cheni chiawonyera worinyi.”

MATHAYO 26:74

Niko aho Petro ukazoya kukughemesha na kughema, “Simwichi mundu uo!” Nao ahoeni njogholo ikadeda.

LUKA 22:34

Jesu ukamtumbulia, “Niakughoria loli Petro, idime iji, njogholo ndeichaadeda kusemerie kunikana kadadu kukaia ndekuniichi anduangi.”