MATHAYO 26:70 - Biblia Ilagho Jiboie Kwa Wandu Wose

⁷⁰ Ela ukakana imbiri ya wose ukighamba, “Siwuelelwa ni agho kughoragha anduangi.”

MATHAYO 26:70 ပူးပေါင်းရင်းမြစ်များ

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MATHAYO 26:51

Niko umu wa waja werekwanyeghe na Jesu ukaghorua mkonu ghwake, ukalukua lufu lwake ukamdumbua kudu mzumba wa mkohani m'baa.

MATHAYO 26:56

Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

MATHAYO 26:58

Ela Petro orekoghe ukimnugha kwa kula hata wazenyi kwa Mkohani M'baa, ukangia andenyi chiaimweri na walindiri upate kuwona kutua kwake ni wada.

MATHAYO 26:69

Idana Petro orekoghe kidombo cha shighadi wazenyi. Muka umu ukamchea ukamzera, “Na oho wori korekwanyeghe na Jesu Mgalilaya.”

MATHAYO 26:71

Hata iji orekoghe ukifuma mnyangonyi, mwai umu wa kazi ukammbona ukawizera waja werekoghe aho, “Mundu uhu orekwanyeghe na Jesu Mnazareti.”

LUKA 22:57

Ela Petro ukakana ukaghamba, “E muka, simwichi putu mundu uhu.”

WAROMA 11:20

Iyo ni loli. Ela redechikanywa angu wileghie kurumiria, na oho kwaawuyamanga kwa ijo irumirio jeni. Kwa huwo kusekukase, ela kuobuo.

1 WAKORINTHO 10:12

Kwa huwo, mndungi ukaririkanya kukaia wamange, ndekulindie usecheghwa.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”