MATHAYO 26:67 - Biblia Ilagho Jiboie Kwa Wandu Wose

⁶⁷ Niko wikamchuya mada wushunyi na kumkaba, na wamu wikamkaba na chui

MATHAYO 26:67 ပူးပေါင်းရင်းမြစ်များ

1 WAZURI 22:24

Niko mlodi Zedekia mwana wa Kenaana ukasoghoda kaavui, ukamkaba Mikaia na lui lwa idumbu ukamzera, “Roho wa BWANA wafumie kwapo lii ima ukachaghora na oho?”

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

ISAYA 52:14

Wandu wengi weremshinikieghe, kwa kuwona fwana yake seji inonelo nandighi kuchumba mdamu uo ose.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

JEREMIA 20:2

Niko Pashuri ukanikaba na kunifunganya na vilingo verekoghe Mbenge ya Wandu ya lughu aho Hekalunyi ya BWANA.

KILILO CHA JEREMIA 3:30

Dikeduakabwa na kudukanwa, diwuse ghose.

KILILO CHA JEREMIA 3:45

Oho kwadibonyere dikaie majala na wuchafu aghadi ya wandu.

MIKA 5:1

Wandu wa Jerusalemu, tumbanyenyi majeshi ghenyu! Darughailwa; waawuyamkaba kilongozi wa Israeli.

MITALO 12:14

Ela BWANA ukamzera Musa, “Huwo ngera ndee odemchuya mada gha meso-lee, ndakaiagha na waya ghwake matuku mfungade anguwada? Ndefunyo kambinyi cha shighadi, ukaie matuku mfungade ima uwunjo.”

MATHAYO 26:68

wikighamba, “Oke Kristo dilodere nani wakukaba?”

MATHAYO 27:30

Wikamchuya mada, wikamsoka ghuja mrangi na kumkaba nagho chongonyi.

MATHAYO 5:39

Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori.

MARKO 10:34

Wichamseka, wichamchuya mada, wichamkaba na kiboko na kum'bwagha; ela kusinda matuku adadu, ucharuka.”

MARKO 14:65

Wandu wamu wikawoka kumchuya mada, na kumfinikira wushu ghwake na kumkaba wikimzera, “Loda! Nani wakukaba?” Nao walindiri wikammbusa wikimkaba na chui.

MARKO 15:19

Wikamkaba na mrangi chongonyi kwake, wikamchuya mada, wikamdungia ngokoro na kumghoghomia.

JOHANE 18:22

Nao iji waghora agho, mlindiri umu orekoghe kimusi ahoeni, ukamkaba Jesu na lui ukighamba, “Kuamtumbulia Mkohani M'baa huwu?”

JOHANE 19:3

wikamchea wikighamba, “Kuduo moyo ee Mzuri wa Wayahudi.” Wikamkaba na chui.

1 WAKORINTHO 4:13

dikazighirilwa diavoya; hata idana deeka sa wuchafu wurumwengunyi, nesi dakaia sa makakala gha vilambo vose.

WUKUMBUSO 25:9

niko mkamruna uchafunya chadu chake na kumchuya mada gha meso ukighamba, ‘Mundu usekunde kuiagha nyumba ya mruna, wadabonyerwa huwo.’

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.