MATHAYO 26:61 - Biblia Ilagho Jiboie Kwa Wandu Wose

⁶¹ wikighamba, “Mundu uhu oreghorieghe wei, ‘Nadima kuinona Hekalu ya Mlungu sena niiaghe kwa matuku adadu.’”

MATHAYO 26:61 ပူးပေါင်းရင်းမြစ်များ

KUZOYA 19:9

Ela awo wikaghamba, “Injika noko!” Wikazerana, “Mundu uhu odecha kodu sa mghenyi, nao idana nuo ukunde kutanya malagho. Idana isi dichakubonya kiwiwi kuchumba awo wandu.” Niko wikamsindika na ndighi uo Loti hata wikavika kaavui wighuchikanye mnyango.

1 WAZURI 22:27

muwizere, wimmbike umundu kifungonyi; wimneke mkate mtini na machi, hata nawuya kwa sere.”

2 WAZURI 9:11

Jehu uendawuya kwa wambao, wikamkotia, “Agho malagho ghaboie? Umundu wa isu wachabonyaki kwako?” Ukawizera, “Inyo mwamwichi mundu waro, na malagho ghake wori mwaghiichi putu.”

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

MATHAYO 12:24

Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”

MATHAYO 26:62

Niko aho Mkohani M'baa ukawuka kimusi ukamzera Jesu, “Ndekutumbuliagha ilagho jingi ado? Ni malaghoki agha wandu awa wighishuhudiagha aighu yako?”

MATHAYO 26:71

Hata iji orekoghe ukifuma mnyangonyi, mwai umu wa kazi ukammbona ukawizera waja werekoghe aho, “Mundu uhu orekwanyeghe na Jesu Mnazareti.”

MATHAYO 27:40

wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”

MATHAYO 27:5

Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha.

MARKO 14:58

“Isi deremsikireghe ukighamba, ‘Nichainona Hekalu ihi iaghilo kwa mikonu, na kwa matuku adadu nichaagha zima isebonywagha kwa mikonu anduangi.’”

MARKO 15:29

Wandu werekoghe wikiida aho, wikamsholia wikisughusa vongo vawo na kughamba, “Haya, oho kuinonagha Hekalu na kuiagha kwa matuku adadu,

LUKA 23:2

Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

JOHANE 9:29

Isi daichi angu Mlungu oreghorieghe na Musa, ela mundu uhu ndediichi andu ufumagha anduangi.”

MABONYO GHA WADUMI 17:18

Walimu wamu wa mafundisho gha Epikuro na Stoiki wikabonya nganyi nao. Wamu wikaghamba, “Uhu mkelu wawuyakunda kughora wada wele?” Wazima wikaghamba, “Uawoneka sa mchili wa milungu ya kighenyi.” Angu orekoghe ukichila malagho gha Jesu na kuruka.

MABONYO GHA WADUMI 18:13

wikighamba, “Mundu uhu waawuyakumba wandu wurumu wimtase Mlungu kwa chia irighidwagha ni Sharia.”

MABONYO GHA WADUMI 22:22

Wandu wikamsikiria Paulo hata ukaghora ilagho ijo; niko wikaghora kwa lwaka lubaa, “Mwinjenyi wurumwengunyi mundu ufwane huwo; ndeifwane ukaie moyo.”