MATHAYO 26:56 - Biblia Ilagho Jiboie Kwa Wandu Wose

⁵⁶ Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

MATHAYO 26:56 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

KILILO CHA JEREMIA 4:20

Wammbwadie mzuri oresaghuloghe ni BWANA, orekoghe asili ya wubanana ghodu; uo deremsuwirieghe uchadilindia disengirilo.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MATHAYO 21:42

Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’

MATHAYO 26:24

Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

MATHAYO 26:54

Ela ikakaia huwo Maandiko ghikatishwa wada agho ghighorie angu suti maza iri rikaie?”

JOHANE 16:32

Ngelo iacha, nayo yameria kuvika, inyo mmbose mchasaghiswa kula mundu ughende andu kwake; na ini nichasigharika niekeri. Ela siko niekeri anduangi, kwa kukaia Aba oko andwamweri nani.

MABONYO GHA WADUMI 1:16

“Wanidu, edeeka suti maandiko ghikatisho; agho gherededeloghe ni Roho Mweli kwa momu ghwa Daudi aighu ya Juda, uo orekoghe kilongozi cha waja weremmbwadieghe Jesu.

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

2 TIMOTHEO 4:16

Iji nerekoghe ngikudederia indo ja imbiri, ndekuwadie mndungi oreniteserieghe, wandu wose wedenikimbia. Mlungu usewitalie ikosa ijo.