MATHAYO 26:52 - Biblia Ilagho Jiboie Kwa Wandu Wose

⁵² Nao Jesu ukamzera, “Wunja lufu lwako kiwonyi kwaro, angu uo ose ulutumiagha lufu uchatota kwa lufu.

MATHAYO 26:52 ပူးပေါင်းရင်းမြစ်များ

KUZOYA 9:6

Mdamu oreumbiloghe kufwanana na Mlungu, kwa huwo uo ose uchaidia bagha ya mdamu, bagha yake ichadilwa ni mdamu wokoni.

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

KUFUMA 21:12

“Uo ose uchamkaba mundu na kum'bwagha, uchabwaghwa.

MATHAYO 5:39

Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori.

WAROMA 12:19

Wakundwa, jingi mselipie ngenga, ela msighie machu gha Mlungu wulalo; angu yaandikilo, “Ngenga ni yapo, ini nichalipa; waghamba Bwana.”

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

1 PETRO 3:9

Msakelipiana kiwiwi kwa kiwiwi, angu masholio kwa masholio; ela wulalo ghwa agho, mrasimie; angu morewangiloghe mpate irasimio.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

WUFUNUO 16:6

Kwa kukaia wandu weredirieghe bagha ya waeli na walodi, na oho kwawineka bagha winyo. Ni malipo ghawo!”