MATHAYO 25:6 - Biblia Ilagho Jiboie Kwa Wandu Wose

⁶ Kio ghadi wandu wikawusira chwaka rawo na kughamba, ‘Okenyi bwana arusi wacha! Fumenyi mummare!’

MATHAYO 25:6 ပူးပေါင်းရင်းမြစ်များ

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ZABURI 98:9

angu uacha kughubonyera nguma wurumwengu, Uchawibonyera nguma wandu wiko wurumwengunyi kwa hachi na loli.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

AMOSI 4:12

“Kwa wundu ugho nichamkaba ee wandu wa Israeli. Idana kwa kukaia nichabonya huwo, kuboisenyi mkwane na kutanya kwapo.”

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

MATHAYO 24:44

Kwa huwu inyo wori, kaienyi nicha, angu Mwana wa Mdamu uchacha ngelo mseimanyagha anduangi.

MATHAYO 25:1

“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MATHAYO 25:5

Nao iji bwana arusi wamuka, wose wikadungumia, wikalala.

MATHAYO 25:7

Niko waja wai wose wikawuka na kuboisa taa rawo.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

LUKA 12:46

bwana wa mdumiki uja uchacha ituku userejisuwirieghe, na saa useimanyagha, nao uchamdumbua vipande vipande na kummbika chiaimweri na awo wiserumiriagha;

1 WATHESALONIKE 4:16

Angu Bwana moni uchasea kufuma mlungunyi, na lwaka lubaa lwa nguma, na kuwanga kwa malaika m'baa, na lwaka lwa tarumbeta ya Mlungu. Na awo wifue andenyi ya Kristo, wichazoya kuruka;

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)