MATHAYO 25:46 - Biblia Ilagho Jiboie Kwa Wandu Wose

⁴⁶ Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

MATHAYO 25:46 ပူးပေါင်းရင်းမြစ်များ

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

MATHAYO 13:43

Niko wahachi wichang'ala-ng'ala sa iruwa kwa wuzuri ghwa Ndee wawo. Uo uko na madu ghesikira ndesikire.

MATHAYO 19:16

Nao mndumu ukamchea Jesu ukamkotia ukighamba, “Mwalimu, nibonye ilaghoki icha eri nijipate irangi ja kala na kala?”

MATHAYO 19:29

Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

LUKA 16:26

Na aighu ya agha ghose, jeko ivongo ibaa jiwikilo aghadi ya isi na inyo, eri wandu wangi wedu wisedime kuruwuka cha konyu, na wenyu kuruwuka cha kodu.’

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 3:36

Uo umrumiriagha Mwana oko na irangi ja kala na kala, ela uo usemsikiragha Mwana, ndechaapata irangi anduangi, ela machu gha Mlungu ghiadua aighu kwake.

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

JOHANE 5:29

wiruke na kufuma kaburinyi kwawo; awo wibonyere nicha, wirukie irangi, na awo wibonyere wuwiwi, wirukie kutanywa.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MABONYO GHA WADUMI 13:48

Nao iji wandu wa mbari zima wasikira huwo, wikaboilwa na kujikasa ilagho ja Mlungu; na awo wose weretaliloghe kukaia wandu wepata irangi ja kala na kala, wikarumiria.

MABONYO GHA WADUMI 24:15

Neko na isuwirio kwa Mlungu, ijo jeni nawo wawuyajirumiria; kukaia, kuchakaia na kuruka kwa wafu kwa wandu wose, wecha na wawiwi.

WAROMA 5:21

eri sa iji koni kaung'a erebonyereghe nguma andenyi ya kifwa, mvono nagho ghubonye nguma kwa chia ya hachi, kuvikia irangi ja kala na kala kwa chia ya Jesu Kristo Bwana odu.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

WAGALATIA 6:8

Mundu ukawa kwa bea ra mumbi ghwake, kufuma kwa mumbi uchakuwida kuwoa; ela uo uwagha kwa Roho, kufuma kwa Roho uchakuwida irangi ja kala na kala.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

1 JOHANE 2:25

Na ilaghiro jake udilaghirie ni irangi ja kala na kala.

JUDA 1:21

mkuwike mmbeni andenyi ya ulo lukundo lwa Mlungu; mmbeserie wughoma ghwa Bwana odu Jesu Kristo, upate kumneka irangi ja kala na kala.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”