MATHAYO 25:41 - Biblia Ilagho Jiboie Kwa Wandu Wose

⁴¹ “Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MATHAYO 25:41 ပူးပေါင်းရင်းမြစ်များ

ZABURI 119:115

Injikenyi kwapo inyo wabonyi kiwiwi, nipate kughiwadia malaghiro gha Mlungu wapo.

ZABURI 119:21

Kwawidokia wang'eti; wandu wiwadilo ni njowe, wisesikiragha malaghiro ghako.

ZABURI 139:19

Ndakwawibwaghaa wawiwi ee Mlungu, awo wabwaghi wikaniinjikia noko.

ZABURI 6:8

Injikenyi kwapo inyo mmbose m'bonyagha mawiwi, BWANA wamerie kusikira kililo chapo.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

MATHAYO 13:40

Sa iji koni ijo isaka jifungwagha na kukorwa modonyi, niko koni ichaakaia kutua kwa ngelo;

MATHAYO 13:42

wiwikumbe kwa iwiwi ja modo ghubirie, na aho wichalila na kuja maghegho.

MATHAYO 13:50

wiwikumbe awo wawiwi kwa iwiwi ja modo ghubirie. Aho wichalila na kuja maghegho.”

MATHAYO 18:8

“Ngera mkonu ghwako angu kughu kwako kuakushekeria kubonye kaung'a, kukudumbuo kukude noko. Ikaia baa kungie iranginyi kusewadie mkonu angu kughu kumu, kuchumba kukaia na mikonu angu na maghu awi nao kukumbo modonyi ghwa kala na kala.

MATHAYO 25:42

angu nerekoghe na njala mkaniima vindo, nereomieghe mkaniima machi.

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

MATHAYO 7:23

Nani nichawizera, ‘Simwichi inyo putu; injikenyi noko inyo wabonyi mawiwi.’

LUKA 13:27

Ela uo uchamtumbulia, ‘Namzera simwichi andu mfumagha anduangi, fumenyi kwapo inyo wabonyi wuwiwi!’

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

WAEBRANIA 6:8

Ela ikabuka minjwa na masaka, ndeifwanagha; nayo yakaia kaavui na kuwasirwa njowe, na kutua kwaro ni kukorwa.

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.